قصيدة رائعة جدا للبصرة الحبيبة

علمني الوكت من احجي طك بطك
ومازامط جذب لو جان مابيه
ولو ساكت اظل لو احجي جلمة حك
وماأمشي بدرب مجهول تاليه
ماكلك غشيم ولاانه المدكدك
أفرزن بالحجي وافهم معانيه
ولساني عدل والكلمة ماتزلك
والجمله بشفافي تصير وردية
الرابي وي البدو باللبن مايشرك
خوفك عالكبر وبحلكه مميه
شفت ناس اشكثرماتمشي بس بالدك
وشفت ناس عله راسي تصير بيريه
انه ابن التفك لو صار وكت الطك
وانه ابن الكرم لو ضيف مر بيه
ابن شط العــــرب سباح مايغرك
وابحر الشعر يرســـن قوافـــيه
ابمنكار الصكر شديت رجل الرك
لان شفت الصكر عالي بشواطيه
عذري الهوى صادق اذا اعشــــك
واذا افكر احب كون الا بصـــريه
لان حتى الصخر بالبصــــرة هم يعرك
وتراب الشوارع يحجي ابوذيـــه
من حقي افتخر بالبصــرة ساسي اندك
ومن دون الاســـماء البصـرة علوية
من صار الوطن بالعيد وجهه ازرك
ابدم اكبر ولدهه اتبرعت هيــــه
البصــرة ام ولد بالعيد ماصفك
لان أنطه لبلاده جفوفه عيديه
أفصل الليل شيله وشرط ماتعتك
واصوغ من الكمر للبصـــرة ترجيه
بالبصرة واحن للبصرة والهه اشهــك
ومابدل الدنيه كلهه ابتمره برحيه
ومابدل الدنيه كلهه ابتمره برحيه

عاشت الايادي تستحق الفيحاء اكثر من ذلك

عاشت الايادي الحنين تسلم
شعر روعة

[وحدهم المشرفون لديهم صلاحيات معاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

الله الله
تحياتي اليكم يانور العين
اشكركم على المرور
ياحلوين

يسلمووووووووووو يا وردة

يسلمو اخي عامر

تحياتي اليكم يانور العين وراكم على المرور
المميز ياطيبين
اخوكم الحنين

مرسييييييييييييييييييييييييييييييييييييييي
تحياتي
hamodyyy

تحياتي اليكم وشكركم
على المرور المميز
تحياتي اليكم اخوكم
الحنين

» قصيدة رائعة .. ومدينة منهوبة
» لبغداد الحبيبة
» شعر فراق الحبيبة