الف مره اموت ما اكول انساك

ف مره أموت وما أكول انساك
والف مره احبك ما تكفيني

بس طبع المكابر ما رحم گلبين
صورني نسيتك وانت ناسيني

آني اعرف ابد من دوني لا متعيش
ومن غيرك ابد ما عيش تدريني

دكافي من الزعل مو راحت احله ايام
ما اگدر اعيش بدونك سنيني

عيشني بمحبتك حته لو بس يوم
وخذ عمرى وحياتي وهاك اخذ عيني

تعبني الهجر تعبني زعلك حيل
لا وياك احجي وما تحاجيني

حنيت لضحكتك وي سوالف ليل
دخذني وبيدك انت اعليك دليني

خاف نموت سكته ومن ادينه نضيع
وغفله يضيع كل البينك وبيني

عليك يهون تمشي بلا سبب وتروح
وعلي سيف الهجر من حبك تسله

ونه گلبي اعله غيرك ما يدك ويموت
وگلبك ما يدك لغيري اندله

شديت العشگ بحلامي صار اسنين
شلون انطاك گلبك يا الوفي تفله

غلطت بحبك اني وهم غلطت وياي
وغلطات المحب ما تنحسب زله

صعب كلش اشوفك من تمر زعلان
ومو هينه الدمع لو شفتك تهله

حبيبي ارجوك وينك خلي ايد بأيد
ومن وجهك بعد لون الزعل حله

خايف لا اموت وانت عني ابعيد
وگلبك لو متت محبوبي شتگله

مشتاگ اعله حبك يا حبيب الروح
دليني اعله حضنك رايد اوصله

واذا حضنك يضمني خلي اموت وياك

لان ما خاف بيك الموت يتحله

قصيدة غزل رائعه

مبدعه في نقل القصائد

شكرا لأختياراتك المميزه

عاشت ايدج كلمات روووووووووووووووووووووووووووووووعة

تحياتي df4fg4