لا ترجع بعد مو شرط اعيش ويااااااااااااااااااااااااااااك

لاترجع بعد موشرط اعيش وياك
بدونك عايش اني وكلشي ماهمني
صح بعدك بجيت وصح ذرفت دموع
وصح العبره صارت حيل تخنكني
لكن مامتت بس حبك انته المات
هذا كبالك اني الضحكه رسمتني
عشت وياك امن ماعرفتك هيج
تنطر لحظه عينك ناويه تذلني
ليش ابيا سبب؟؟حاجيني صوتك وين؟
برر كل جريمه شوك ذبحتني
اذا تطلب جنت من روحي روح انطيك
واضملك عيني اخاف النوب تطلبني
جنت اسهر سهر ماعرف مثله الليل
اضل متاني صوتك حته يحضني
حرام اشكد ضلمت روحي بيدك هاي
اكلك فدوه كافي شبيك تضلمني
تضحك انته عادي..وانه دمعي ايسيل
روووح الخاطر الله ارجوك فاركني
شسوي بحبك اني وانت كومه تراب
وبكلبك ملح ..ميفيدتزرعني
عزيزه دموعي ذيج النزلت بفركاك
يادمعي العزيز بداعتي اعذرني
وكلبي شكد ضلمتك ماقصدت ااذيك
خجلان انه منك فدوه صدكني
وانت ابعد علي لوهسه اموت هنا
ماتانيك ابد خليك هاجرني
واذا كل جسمي صاحك حته الييه اتعود
اترك جسمي اني وانهزم مني
والله اترك جسمي وانهزم مني