صحيح اكبالك اضحك من احاجيك

بس چادر قهر بالروح منصوب

ولو أيوب يدري بصبري وياك
مايوم أصبرت چا گلي أيــوب

كلما ردت أعدلك أعوج الگاك
ومثل شعرك اشوفك ضدي مگلوب

أگلك توب بسك جوز العناد
ترجع مثل الأول وأبد متوب

اطب من باب اجيلك ترگع الباب
ادگ البوب تركض تقفل البوب

تگلهم ما أحبة وشكله مكروه
وماتنحب وأگلهم والله محبوب

أعذيبي اشتم هواك وآني مخنوگ
خنگة الأمهة ماتت وكت الغروب

بيك أعيوب لكن من احاچيك
انساهن وأطلع بيه العيوب

من گلبك أشوفك تمسح أسمي
وأچذب عيني اگلهة شبيج مكتوب

بدرب يومية أطبلك حتى الاگيك
لحد ماخلصت وياك الدروب

اروح اشرب أگولن بلكت أنساك
بصفي الگاك وانتة تصبلي مشروب

تمطر ملح ايدك فوگ الجروح
ولأن ابيض اشوفة اعتبرة حالوب

يا أسلوب اجيبة؟ حتى اراضيك
تطلع شيبة بيضة براس الأسلوب

أضم بجيبي كلمة آني اهواك
تجيك وچف اديهة يشگ الجيوب

مثل منصلب عيسى ومريم تنوح
لحد هسةأعلى ملحك جرحي مصلوب

روح وماگلك بس كلمتين
مثل مالبت منك ريتك أتلوب

يسلمو ياوردة موضوع حلو تحياتي

[وحدهم المشرفون لديهم صلاحيات معاينة هذا الرابط]

قصيده روعه

الف شكر للنقل الجميل

تحياتي مالك القلوب

تحياتي الى حظرتك يا غالي اختيار جميل
تقبل مروري

» صحيح (حلـــوه) بس مو مغروره
» شيفيد العتب وتريد احاجيك
» هل صحيح ان من باعنا بعناه حتى لو كان غالي