كِسر كاسات صبره او عافني ابليل...(عـ العــراق ــن )

كِسر كاسات صبره او عافني ابليل

او لفلفني الحزن گوّه ابعباته

ردِت دمعه .. وادوّر وين العيون ؟

اثاريهن بدوني امرافگاته

احس كلّي خويت ، او ذبلت الروح

مثل سمچه ابنهر نشفت لهاته

صِحت من لوعتي والليل مسموع

او رجع بس الصدى او حطني ابرحاته

وين اتريد ، يا عَز من الاعزاز ؟

او يا سلطان گلبي ، ويا اغاته

بعدك يا بشر يمليلي العيون

او منو المثلك حنين او طيبه ذاته

يمن گلبي اشتهاك او طلگ ّالكون

گبلك ناس سدت مشتهاته

يا ابيض گلب يتوضه بالنور

فرُض حُب الورد ما لحظه فاته

ما عندي سگف ، بس هيبتك بيت

غلات الدنيا ماتوصل غلاته

شفتك يوم نزفت حزن بغداد

ذهب بالنار مابدّل صفاته

صح احلامنه انباگت امن اسنين

او عمرنه انعصر وانشربت حلاته

تُرضه ابلايه حسّك اعبر الليل

او ترضه ابغير انفاسك اباته

اشيطفيّ نار قهرك من الضلوع

او تگلّب بالجمر چف الشماته

ذله الغربه ذله او انته حاشاك

تخدم اجنبي او تاكل فتاته

ارجع يمن طولك هيبة اعراگ

او طيبة دجلته او نخله او فراته

تحــيأتــي

المايـسـتـرو

يسلمو الذوق الحلو ياوردة روعة تحياتي

[وحدهم المشرفون لديهم صلاحيات معاينة هذا الرابط]

يسلم مرورك نورتي الصفحة
بردك
تحياتي الك

كلام جميل
من عضو متألق تحياتي الك يا علي

شكرا جزيلا

يسلم
مرورك
ياغالية
نورتي الموضوع
بهذا الرد الجميل
تحياتي الك

عاشت الايادي موضوع مميز

شكرا للذوق الجميل في اختيار كل ما هوة جميل وجديد
تحياتي

يسلمو ع كلمات الروعه والجميله جدا
دمت بالف خير

يسلم رمروركم
يا ورود
نورتوا
تحياتي الكم

» كسر كاسات صبره وعافني بليل