مواصفات العريس اللي تتمناه كل عروسة عراقية

مواصفات العريس اللي تتمناه كل عروسة عراقية

أني بنت عراقية
صبية جميلة بغدادية
حلوة ؟ أكيد حلوة
لأن ماكو عراقية ما تملي القلب والعين
أحلم مثل كل البنات
لا مو مثل كل البنات لأن أني عراقية
والعراقية ما تشبه أي البنات
أحلم بعريس زين يحمل هواية صفات
هي صفات بسيطة
بس كلش مهمة الي كعراقية
بأختصار أني عروس ألها شروط ومتطلبات
وأعتقد أنو مو هواية عليه
لأن أني عراقية
أحلم بعريس يحبني أكثر من كل البنات
وأكثر حتى من حوريات السماوات
أحلم بعريس مثقف أنيق
مو لابس بجامة ونعال ومتطوع بالمليشيات
أحلم بعريس ما ينتمي لأي حزب أو هيئة أو تيار
أريده ينتمي بس لأرض العراق
أحلم بعريس مدرس ، مهندس ، عامل
بس ما أريده بعد دكتور
أحلم بأديب ، شاعر ، كاتب
بس لا يكتب عن الديمقراطية والأنتخابات
ولا يكتب قصايد عن الأحزاب والفدرالية
أريد بيت على شواطىء الأعظمية
والذهب من سوق الكاظمية
أريد بحنة البصرة أنقش أيديه
وبخلاخل الموصل أزين رجليه
أريد عريس أهله من المذهبين
وأصدقائه أكراد وجيرانه مسيحيين
وهمينة صبة وتركمان
أريد بعرسي تدبك فرقة العلم
ويغني حاتم الأسمر الزين
وبعد أحسن لو وياهم لندا جورج شحرورة الكلدوأشوريين
أريد عريس يلبس بالعرس قاط وأحلى رباط
ولا يكلي الرباط مو عادتنا
لأن أني عروسة عراقية مو فارسية
يلبس دشداشة همينة ميخالف
بس لا يكصرها عبالك ده ينافس صبايا لبنان
لأن أني عروسة عراقية مو سعودية
أريد أني البس فستان أبيض جميل
وأنثر شعري الطويل
ولا يكلي حجاب وحرام
لأن أني عروسة عراقية مو أفغانية
أريد عرسي يكون عرس عراقي مغنى وهلاهل وفرح
ولا يعزل الجنسين ويكول عرس وزفة شرعية
لأن أني عروسة عراقية مو عروسة بدوية أردنية
أريد شهر عسل بجبال دهوك والسليمانية
بس لا يفرشولي سجادة حمرة
ويستقبلوني بحرس وفرقة وأستعراض
لأن أني مثلهم عراقية
أقصد همه مثلنا عراقيين
أتمنى الله يرزقني بأولاد وبنات حلويين
من يسألوني : يمه أحنا شيعة لو سنة
أضربهم على حلكهم وأكوللهم:
أنجبوا أنتو عراقيين وبس
العفو ، نسيت .. أحنا ببلد ديمقرطي
العنف والضرب ضد القوانين
راح أحضنهم بحب وحنان وأكوللهم
أكسكيوزمي ماي جلدرن
أنتو عراقيين وبس .. وهذا هو المهم
وصدكوني هذا حلم كل بنت عراقية

--------------------------------
سبحان الله وبحمده سبحان الله العظيم / اللهم صل على سيدنا محمد وعلى آله وصحبه وسلم

شكرا تقى صباح ع الموضوع

اهم شئ يكون ذو اخلاق عاليه محبوب من قبل الجميع
يستطيع اني يعيش هو وزوجته حياه رائعه مفعمه بلحب والحنان

اي صح ياسلطان كلام جدااااا رائع بس صعب بهذا الزمن توجد من مثل هذه المواصفات
شكرااااا على المرور

ينقل للقسم المناسب

[وحدهم المشرفون لديهم صلاحيات معاينة هذه الصورة] المواصفات هي الاسلام وشخصية حلوة والاخلاق العالية وسمعة جيدة وميكبرني بهواية من 5 سنوات بس ........................................................................................... وشكرررررررررررررررررررررررررررررر مني

شكرااا ذكرى على النقل
ورنين بس 5 طلبات شنو تشترين رقية هههههههههه
بس طلباتج هي الاساس

تحياتي الج تقاوي وردة
حلو الحجي بس اكيد هذا مو كل شي
ومو مواصفات اي بنت عراقية اكو هواية اشياء اهم بهووووواية
تحياتي الج حبي وشكرا ع الموضوع
تقبلي مروري

موضوع: رد الأربعاء سبتمبر 29, 2010 12:24 am

الف تحيه تقى على الموضوع الجميل
واكيد اهم شي يكون ذو اخلاق عاليه

[وحدهم المشرفون لديهم صلاحيات معاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

يسلمو موضوع روعة عاشت الايادي يا رب الابداع يوم بعد يوم

ههههههههههههههههههههههههههههه زين والعروسه

عاااااااااااااشت ايدج حبيبتي تقى

اختيار روعه

ينقل الى الارشيف السبب موضوع مكرر

[وحدهم المشرفون لديهم صلاحيات معاينة هذا الرابط]