ابوذيات حلوه ***

--------------------------------------------------------------------------------

جيت اسأل عليچ الراح والرد
واريد اعرف جواب الناس والرد
صدق خدچ ورد قداح ورد
يو عنبر شواطي وهب عليه



شعجب منچ رسايل بعد ماجن
واظن ليل الغرام اعليچ ماجن
اذا گلبي بهيامچ صار ماجن
انا مسودن صرت غصبن عليه



نسوني الچنت اعس بيهم واحبهم
چذب طلعت سوالفهم وحبهم
للشمات سفرتهم وحبهم
نشف مايه وصدق شحوا عليه



انظفك واغسل اهدومك واشر بيك
ووكلك من لحم ثوري واشربيك
شكثر حامل حقد گلبك وشر بيك
طلعب ابليس وتمثل عليه



يسالوني شسمها وكلت وجدان
اذا مرت تصيح الناس وج دان
الفضائل من تتم اتصير وجدان
الشمس ويا الگمر تاخذ تحية



على احسابچ صرت بالسوگ سماچ
امبارك للذي وجدان سماچ
اذا سم الهوى وبعدين سماچ
نموت اثنينه وننطم سويه



جميله وبالحسن الله وسمها
وحرز بالبيت صورتها وسمها
اسم كلمن يمر بيها واسمها
واسم روحي اذا شحت عليه

يسلموووو يا ورده
عاشت الايادي اطروحه رائعه
دمت بود

يدلوو خيو هلا بيك سلطان الغرام

منور الموضع بمرورك[b][i]