ابوذيات لبعض الشعراء العراقيين

رياض الحار
هاك خيوط روحي .. هاك ابرهة
ولو صاير بحرهة .. هاك برهة
الك حسرة بدليلي .. هاكبرهة
علي ثكلت مثل ثكلك علية
ـــــــــــــــــــــــــــــــــــــــــــ
جبار رشيد
طلبتك ما كلتلي ابشر .. ولا هاك
شلهاك وغيرك عني .. ولهاك
ضميرك لازم يألمك .. والهك
هم يحاسبك باجر علية
ــــــــــــــــــــــــــــــــــــــــــ
فاضل كريم
وكلت مرخوص فوك الجسد .. عدي
وجم مرة تزل ونكول .. عدي
احس مرات كل الصوج .. عدي
انة الغلطان رهّيتك علية
ـــــــــــــــــــــــــــــــــــــــــ
جبار رشيد
وثيقة بكل فخر كلبي .. وثقلاك
جبل ما شفت باخلاقك .. وثقلاك
الك يرخص دمع عيني .. وثق لك
الكلب لمن يدك يوكع بدية
ـــــــــــــــــــــــــــــــــــــــ
مجهول
صار الكلب كاسك .. وانتة كاسة
والميحبك خسارة .. وانتكاسة
لو العب ابدوري .. وانتة كاسة
اشيلك حتة لو خسران مية
ــــــــــــــــــــــــــــــــــــــ

جبار رشيد
هاك اشعل كلب كلبي .. ووج هاك
على حالي راح اعلمنك .. ووجهاك
بشالك من تلف شعرك .. ووجهاك
تلف روحي مثل لف المنية
ـــــــــــــــــــــــــــــــــــــــــــــ
رياض الوادي
اعترفت بعضمت لسانك .. وقريت
شمالك عتعتت هسة .. وقريت
انة العلمتة القراية .. وقريت
وهسة يريد يقراهن علية
ـــــــــــــــــــــــــــــــــــــــــــــ
رياض الوادي
عمري تيهيتة وضاع .. سني
كبرت وطاح من كدامي .. سني
شيعي وجيف احبة صرت .. سني
وتيهت الخمس والمرجعية
ــــــــــــــــــــــــــــــــــــــــــــــ
رياض الوادي
مجلّب لا رضة يهدني .. ونهدة
ولا ساعة الرضة نكعد .. ونهدة
ابوس بي من شفتة .. ونهدة
وصلت للصدك بدل علية
ـــــــــــــــــــــــــــــــــــــــــــــ
رياض الوادي
تعال اكعد نصفي الألك .. واللي
وعلية النوب ياهو تريد .. ولي
كلتلة خل ابوسك كال .. ولي
شنو تبوسني تنّك علية
ـــــــــــــــــــــــــــــــــــــــــــ
نائل المظفر
الك مملوء دلالي .. والة هجاء
ونسيت الحجي من شفتك .. ولهجاء
حروف الابج وهوز .. ولهجاء
يدكن لو كتبت اسمك تحية
ـــــــــــــــــــــــــــــــــــــــــــ
نائل المظفر
جذب جفي بعدكم .. يومي لأحّد
وهواكم وين حدة .. يو ملا حد
انة لو ما اجيكم .. يوم الاحد
الثنين من الصبح لطموا علية
ـــــــــــــــــــــــــــــــــــــــــــ

هاك اشعل كلب كلبي .. ووج هاك
على حالي راح اعلمنك .. ووجهاك
بشالك من تلف شعرك .. ووجهاك
تلف روحي مثل لف المنية

شكرا للاختيار الجميل تحياتي

يسلمووو مرتضى ع المرور الطيب

عااااااااااااااااااااشت الايادي

عاشت الايادي موضوع روعة تحياتي

[ندعوك للتسجيل في المنتدى أو التعريف بنفسك لمعاينة هذا الرابط]

جميل جدا عاشت الايادي

موضوع: رد الأربعاء أغسطس 25, 2010 7:29 pm

تحياتي عبد السلام ويسلمو على الابوذيات الجميله

[ندعوك للتسجيل في المنتدى أو التعريف بنفسك لمعاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

ابوذيات حلوه
شكرا عبد السلام عاشت ايدك يا ورده

شكــــــرا عالموضــوع الجميـــــــــل و الكـــــــلاك
[ندعوك للتسجيل في المنتدى أو التعريف بنفسك لمعاينة هذه الصورة]

الروعــــــــة تحيـــــــاتي يا غاليـــــــــــــــــــــــــــــــن

» ابوذيات كبار الشعراء
» حياة امير الشعراء
» هل نستطيع ان نحب بعضنا لبعض؟؟