ابوذيات عراقيه ارجو ان تنال اعجابكم

هواكم اثر بعقلي ودارة
ومنو مثلي الج وفة ودارة
سمعت بقيس عاف اهلة ودارة
عليكم ماحمل مثلي اذية

وحق حيدر شديد العزم والياس
زرعت ادروبكم بالورد والياس
منكم ماقطعت الرجه واليأس
عزاز وتصعب الفركه عليه

عيوني من البواجي عليك يعمن
ومالوما حيدر لوكال يعمن
حيدر حلو يانس يعمن
لجن الزمن هو الخان بيه

وكع كلبي بغرامك ماتشيلة
وترى كلبي التعذب مات شيلة
اخابر وانت تسمع ماتشيلة
وينك ياحلو بس رد عليه
ا

اريد افرمت كلبي والغي رامه
واريد اشيل العشك منه والغرامه
عليك انت المخطط و الغرامه
لأن حسنك كسر غفلة عليه

محد حل لغز حبك حلالاي
وغيرك بلبشر لاضن حلالاي
نذر لو صار لبالي حلالاي
اجيب عيوني اطشهن واهليه

رخة جسمي علمودك من رخة صتك
وسومن بيك غالي من رخصتك
دست فوكي دكلي من رخصتك
حتى براحتك تسحك علية.

احبك من كلب ولسان ينسام
وجمالك بالذهب والمال ينسام
انه بسمج اريد الكلب ينسام
لان اسمج يرد عافيتي اليه
ا

عدل صوبك جدامي جر عدل لك
وادليك بحجي المر جرعدلك
اثكل كافي بسك جر عدل لك
زعلت؟لاتجر عدل حقك علية

العشك منه استراحينه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه

ابوذيه من كتابتي....

حبيبي الليل ما نامه وهم بيك
شجاك شغيرك عني وهم بيك
العواذل ما رعوا حبنه وهم بيك
تدري شصار جابولي الاذيه

........

وحق من كبرك يسمر ونماك
لساني بسوء مامسك ونماك
صرت بالحب ابوك انه وانماك.....انه امك
شجاك تغير اطباعك عليه

عــراق انــه لهــمـومك سلة سلني
وبـسـك من دخـيلك سلة سلني
ســيف وعـالمـنايا سلة سلني

واسحگ بــية كـل روس الردية

ردت مره على كيفك منك ابسل
وروحي تالي طلعت منك ابسل
ولك تدري شسوي من اكبسل
ادج روحي واكولن حيل بيه

سلطانك وصل للضيم خايب وصه بيه
انه بطيبي الصبي شاهد والصبيه
عابر سبيل احسبني ربك وصه بيه
وفك حبال ظيمك من اديه
كلبي مااختلف طبعه و لا دار
و ذهب ماهمني بعدك ولا دار
حبيبي لا وطن عندي ولا دار
وبس اعيونك بيت اتصير اليه

السلام عليكم
اريد جواب لهذه الابوذية

شمس شخصك شهب شعشع شمايل
شبه شامة شمع شايل شمايل
شمل شترك شجافيكم شمايل
شعوفنكم شمايلكم شجية

اريداخبط زميج الرمل والحر
وادور ع الصديج الوفي والحر
نخيت الله وابو الحسنين والحر
يحفط كل صديق يحن ل اخيه

تكل للناس عني انه ذاك
جنت بيه تتوسل انه ذاك
بعدني ولك خايب انه ذاك
اليشك حلوك لو طاح ابهبيه

بقه غامض سؤالي وياك منحل
وجسمي من السهر والليل منحل
ابشرك صرت بين الناس منحل
العسل حصتك وأنا اللسعات اليه

ابوذيات جميله
شكرا حبي
موضوعك فعلا جميل
تحياتي الك يا مبدعه ..........ننتظر المزيد

شكرا لاختيار كل ما هوة جميل وجديد
تحياتي

عاشت ايدج عالابوذيات الحلوة
يسلموووووووووووووووووو

عاشت الايادي ياوردة

كلمات روعة انشاء الله الابداع

دومآآآآآآآآآآآآآآآآآآ

[ندعوك للتسجيل في المنتدى أو التعريف بنفسك لمعاينة هذا الرابط]

اهااا

روعة ملاك

عجبني الابوذيات وردة

تقبلو مروري

~أإآبن إلجَادًرٍيه
وكع كلبي بغرامك ماتشيلة
وترى كلبي التعذب مات شيلة
اخابر وانت تسمع ماتشيلة
وينك ياحلو بس رد عليه

يسلمووو روعة
تياتي

شكرا ورده شكرا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يسلموووووووووو ابوذيات عراقيه ارجو ان تنال اعجابكم 127264

» موسوعه ابوذيات كبيره..اتمنى ان تنال اعجابكم
» ابوذيات عراقيه
» مواضيع جميلة بتمنى تنال اعجابكم