(،،ذكرى حبيباً بالقلب لا زالي،،)

أنا ودّي بالبكى وياعمري القضى ببكيك
ودّي بالوجد سلوى وأشره على حالي

ودّي ياغلا تسمع شعوري وخافقي يشريك
ما غير الدمع صاحب من تطري على بالي

شوف الخفوق شلون يصرخ ولا النبض ناهيك
ما بقي فيني نبض ماغير خلجات الوصالي

ياقلب كنك وسط مزنة وعيّى ديمها يسقيك
ويبكي الليل من ضيمه في غبّة دلالي

ثمان سنين يالغلا أوله ولاني بناسيك
ياسبّة عذابي أنت وياقاتل آمالي

كتبتك في صفحة عيوني ولا قدرت أمحيك
مرافقني على مرّ الزمن في حلّي وترحالي

ويمرني ذكره وياقلب أشره على غالي
ألي قتلني بنظرة عيون وحاجب هلالي

ذاك الي بيده سراجك صفا يقصر ويضويك
خشفاً أشغل قلوب البشر من زين الخصالي

شراع الوله ياقلبي ليا صرت يرفع ويطويك
ومن وين ماهب الهوى دوم يقطّع حبالي

تامر على قلبك يترك وينسى ما عاد ينديك
من هاجت بحور الشوق فيني وموجها عالي

يوم الدمع بللك ياقلب ويشرّك ويثنيك
وكل ما تذكرته من دلة الهم هزّيت فنجالي

مرّت سنين بلوعتي ورح عاد يازمن يكفيك
أني أسير بدنيتك وأنك عاشرت أمثالي

والله ياعمري الفات وقضى لا جرّدك وأكسيك
ثوب الوفا لذكرى حبيباً بالقلب لا زالي

سنة وراها سنة ولا زلت متولعً فيك
عيون على فرقاك تذرف دمعها همّالي

حداني على طلق التوجّد أسمك وطاريك
يوم أذكروك بمجلسً أمس بعظهم عذالي

يالله عسى سعادة الدنيا دايم تحاديك
وعسى لايمي فيك يقفي وياخذ ما جرالي

وياشخصاً سبب فرقتي عنّه كلمتين أعطيك
عسى عينك ما تشوف النوم في سود الليالي

وعسى قبراً يظمّك والمَلك يصرخ يناديك
وعسى تعجز عن القول وعن رد السؤالي

أن كنت تفهم كلامي في ذمّتي تكفيك
وكنت تزعل من كلامي جعلك بالزّوال

ولا أنا باقي على ذكراه وبقطّع أيديك
وأن ما تذّكر أنا وفاي بطيبة أسالي
)

والله ياعمري الفات وقضى لا جرّدك وأكسيك

ثوب الوفا لذكرى حبيباً بالقلب لا زالي


مساء الــــــورد ,,,,,, سلمى المنصور,,,,,

كلمات تقطر حزنا",,, وعذوبة ,,, مكللة بالجمال,,,,

,,, قلمكــــ الفضي ,,, يتخلل الاحاسيس ,,,,,سلمت يمناكـــــ

دمتـــــ بكل الـــــــود !!!!!!!!!!