طبعا شباب ونات جلسه سمر اقدم لكم الابراج لهذا الاسبوع حسب توقعاتي وخبرتي المعروفه
واتصور ياولدي الحلوين انهو انتو تعرفون توقعاتي دائما تصير
اي ولدي خلي نحجي على الابراج
طبعا اني راح ابدي من الابراج الناريه وهن الحمل واللاسد والقوس وطبعا هذني الهن صفات مشتركه خصوصا
بالخبال والعصبيه بمعنى اخر سريعي الاشتعال والانفعال
ويحبون يكونون شخصيات بارزه بالحياه والمجتمع من خلال تقديمهم بعض المهرات الخاصه علمود يجلبون الانتباه
واجي بالاخص على الحمل والقوس هذني البرجين متوافقين بكلشي فحذاري تجمعوهم سويه بمكان واحد يعني يكلبون الحياه يسوها جهنم خو برج القوس يتخيل نفسه بس هو الصح وميحب النصائح من الاخرين ودائما عنده الغرور صفه ملازمه اله :اي سي يوdq
نجي للابراج الترابيه وهنه الثور والجوزاء طبعا هذني خطيه واكعين بيهم كفخ من باقي الابراج بس عدهم صفه العنوديه يعني يلحون على الشغله وميحبون واحد يدخل وياهم بيها واذا اجه واحد وطرح رايه عليه يلزم الطبله ويركعها براسه
اما الابراج الهوائيه فاعوذ بالله منها فهمه هذوله ناس مزاجين ومتقلبين ومزعجين ومغرورين على ماكو شي
والابراج الهوائيه هنه الدلو والميزان والجدي اتصور اذا مغلطان وبعد اكو برج همزين ناسي
بس عدهم المزاجيه شي يكتل الصبح فرضا فرحانين تجيهم العصر عصبين وميتحجون وكلشي يحسوا بمسؤليتهم
عبالك همه الي خلقوا الكون ونسوا
نجي على اخر صنف من الابراج بس اكو برج راح احجي عليه بشكل منفصل المهم
نجي على الابراج المائيه وهن السرطان والحوت وبرج مجهول الهويه
طبعا السرطان يمكن البرج الوحيد الي مهضوم كتير كتير ومحبوب وطبعا مصايب الدنيا كلها عليه ونادر مايواجه الفرح
اما برج الحوت فهذا بله اسود عنده الانانيه والانفراديه بتخاذ القرار ويحب ياخذ الشي بس اله حتي اذا صادق صديق
فيريده اله وحده وعنده شئ من الطفوليه بحياته بس خطيه تصرفاته تعم عليه
نجي على برج اني عندي ملاحضات عنه هو طبعا هذا البرج شالع قلبي وهو العقرب
هذا خو كارثه بحق البشريه ههههههههههههه
لان يغدر بصاحبه ويتضاهر بانه محب للاخرين بس بالحقيقه حافرلك حفره لازم يوقعك بيه وهذا البرج عنده الئوم صفه من صفاته الملازمه اله ويحب يخبث ويغار من اقرب الناس اله
بس تره هاي التوقعات مو كله تنطبق علىحاملي هاي الابراج لان اكو ناس مالهم علاقه بالخرط هذا ههههههههههههههههههه
ارجو عجبتكم توقعاتي للبراج والصفات الخاصه بكل برج