اكبر موسوعة ابوذيات

اريد اسئل عسل شفتك شكر بيك
شذبحن بيك متكلي شكر بيك
ايه تنزلت انته شكر بيك
يحفضك كون ياربي اليه

وشفت انه على شفافه شكردان
شطبرن بيه كلي انته شكردان
العسل من شفته اضن رايد شكر دان
ويضل مطلوب حد وكت المسيه

ويرد العسل للشفتين شكراك
وعفوا" ينطق من تكول شكراك
من شاف الشكر علشفتين شك راك
الشفايف وي سمسميه

وجيب القفل يله وخلنه بنفاك
واذا تزعل عليه اليوم بنفاك
ميزه اتميزت ياترف بنفاك
احس بلور من المس بديه

والعن بيه انه قابل لعينك
واذا رايد بعد انه لعينك
قسم بالله اذا اوصل لعينك
اخيط الجفن والبؤبؤ سويه

وادور وين اباهه حاجباهه
وعليه شلون دهري حاجباهه
عفت العين خزوت حاجباهه
مثل سيفين بترتلي اديه

ومن كصتي اخذ انته لكصتك
وكومة ناس اضن داخت لكصتك
الوجن حيل من اصفن لكصتك
ورق صفصاف من تعرك نديه

وشجرن بيك متكلي شعرك
ومن حروفي ترى المكتوب شعرك
شرط بيك اذا فليت شعرك
يجينه اليل والدنيه ضويه

واصيح بأسمه من صبحه لضهره
وبعد كومة حجي بكلبي لضهره
اذا وصلت بعد ايدي لضهره
اريد بيكفي يفترن اديه

وعمم راك بيك انه وخصراك
وانه حالف العبنك وخصراك
اذا كضيت انه متونك وخصراك
احس الدنيا صارت ملك ليه

ويدوخني شقى العندك ويدك
ولابوك الحمل حسنك ويدك
امرضن حيل من تبعد ويدك
تطيب كل جرح غافي عليه

واذا تطخني اضن صارت لكعبك
ومن حجاري اخذ انته لكعبك
الوصف هذا من شعرك لكعبك
واذا مقصر بعد احكم عليه

وحكم مايخذ بحكمي وحكماه
وكم اه الحكم بيه وحكماه
اخيرا" صدر قانونه وحكماه
مؤبد حبنه يبقى وللمنيه
مؤبد حبنه يبقه وللمنيه
شكر خاص الى الاخت الحنطاوية للرد

موضوع: رد الأربعاء أغسطس 04, 2010 10:28 pm

تحياتي تم النقل للارشيف لانه مكرر

[وحدهم المشرفون لديهم صلاحيات معاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

» اكبر موسوعة ابوذيات
» اكبر واضخم موسوعة اكسسورات لكافة المواضيع
» اكبر المشاريع