كلي شراح اكلك وانت راح تروح؟؟

كلي شراح اكلك وانت راح تروح؟؟

كلي شراح اكلك وانت راح تروح
وليش تلح عليه وتنتظر ردي

هذا لسان حالي دموعي تحجي وياك

راح اسكت واحجي دموعي لبخدي

وسولف بلدمع واتوسلك عبرات

اود اشبع بشوفك واحتفل ودي
ضل وياي اريدك والبقن جم يوم

وهل جم يوم صارن حدك وحدي

خليني اشوفك كمت احسك طيف
وياعين التكظ طيف اليعدي

صرفنه سنين خوتنه وخلصن تبذير

وعلى يوم النشوفك باجر نجدي

اخذني وياك اريدك ما اريد الغير

واكون بسدك اكعد وتكعد بسدي

لتخليني وحدي منين اعرف الناس

لا اكدر اعاشر لا خلك عندي

احب شلون غيرك من اود شلون

وانه وياك كلش خلصت ودي

بكد حبك لنفسك جنت انه وياك

ومنو بكدي يحبك محد بكدي

اخذني وياك منين اشعندي باقي وياي

وكلي وياك اخذني وكلشي لاتودي

خيصيرن بعد وخل اليصير يصير

وخل كلشي الاليه ينكلب ضدي

خل سنيني تغرك خلي عمري يفيض

خل كبال عيني وينهدم سدي

خايف صح جنت بس جنت اخاف عليك

والمن بعدك انت وخايف شعندي

[وحدهم المشرفون لديهم صلاحيات معاينة هذه الصورة]

[وحدهم المشرفون لديهم صلاحيات معاينة هذه الصورة]

شكرا يا اصحاب الابداع المتواصل يا من انرتم المنتدى بكل ما هوة جميل وجديد
تقبلو تحياتي