قمه الحزن

موضوع: قمه الحزن الأربعاء يوليو 28, 2010 3:30 pm

عذريني همال الــدمـــــع والحسره بكليبي صفت
صدكيني فكدج مـوسهل مــــا لوم عيني لو بجت
رحميني مـــــا أكدر بعـــــد وافراحي مني اشتت
داويني يا نبضت كلب الجروح بعدج مــــــــاشفت
لوميني يا مــــــاي النـــده ياشمعة بسنيني ضوت
عتبيني يا شتلت ورد لوعيني مـــن بعــدج غفت

صبهه

على فراكج تزيــد العين صبهه
وجفنهه ما يمس لحظات صبهه
وحك من دك اساس الروح صبهه
يضل ذكرج كلب نـا بـض أليه

مــــــا أنسه ايام الصبــه ولا أنســــــه أيام العشك
كــاعد أكلب بالصور ودمــــوعي حـــركتني حرك
عندج صورما تنوصف فـــرحانه دومـــــج بضحك
والموت من عندي خـــذج وثيــــابي لجلج كمت اشك
واتعاتب انـــــه ودنيتي يا دنيـــه معقــــوله صــــدك
ماتت حبيبة هل كلب والكلب يوكف مـــــــــــــــا يدك

مالفاني

أسم الافراح بعدج مــــــــا لفاني
اوحجيي اوياج واضح مـالف اني
يـجفن الفـــــه جثتج مـــــا لفاني
وأصير انــــي الأموت وانتي حيه

يا وسفه ودعتج أنـــــه بوداع رجعــه مــــــــا أله
صدكني مــــــا افرح بعـــــد والروح دوم امعلعله
ولا انسه ضحكاتج ابـــــــــد يا حلوه يل كلج غله
عذريني لو مره اغلطت وبوجهج الصـــــوت اعتله
عذريني يا طيبت أصل يل جنتي عندي امـــــد لله
عذريني والدمعــــة تصب من عــدهه عيني امبلله

نصي

علي ضيمج يدنيه اليوم نصي
أذا خـذتي الحبيبه ايموت نصي
ولئن ادري يـبجـي الناس نصي
قــــــــررت اعــتذر للـون عليه

موضوع: رد: قمه الحزن الخميس يوليو 29, 2010 3:53 pm

ينقل للارشيف

ممنوع تنزيل هيج عدد من المواضيع بقسم واحد
اسفه