اني ووياك واحد منصير اثنين

انه وياك واحد ما نصيراثنين
ياكلبي وحياتي ياحبيبي الزين
قمه أخلاق انته وما تحب الشين
لاتسمع حجي الحقاد والواشين
يردون بحجيهم نفترق بعدين
انه وياك واحد ما نصيراثنين

انه وياك واحد والكلب لهفـان
يا رحمه وهديه ونعمه الرحمان
يمكنك ملاك وصوراك إنسـان
جنني جمالك كلي جبته امنيـن
انه وياك واحد ما نصير اثنين

من اسمع كلامك ياحبيبي ارتــاح
لو مره انته اشوفك كل مرض ينزاح
خليت الكلب من شوكه ون وصاح
خليت الكلب والروح محتـارين
انه وياك واحد ما نصيـر اثنين

غلطان اليكلك ما اذكرك دوم
افكر بيك صاير كلوكت كل يوم
صادقنه السهر لجلك نسينه النوم
دوخت العقل والعقل مدري وين
انه وياك واحد ما نصير اثنين

نارك والهوه يمعود انته الماي
بيكم نحترك صدكني راضي بهاي
نشتمك عطر نتنفسك يهواي
من دونك حبيبي نبقه عطشانين
انه وياك واحد ما نصير اثنين

عنك ابتعد يبعدني بس الموت
يونس هم نجه من جان وسط الحوت
لو تحضر مماتي قّبّل التابوت
نحيه ابوستك ونعود الك عدلين
انه وياك واحد ما نصير اثنين

اطلب ياحبيبي لاتضل محتــار
بس كلي و تمنه والتريد صـار
اقدملك حياتي فدوه بس اختـار
انطيك الكلب والروح ويالعين
انه وياك واحد ما نصير اثنيـن

بغيابك اصب دموم ويــه دموع
اسمك ياحبيبي بالكلب مطبـــوع
لو احنه انجمعنه تعرف المجموع
ناتجنه يسـاوي روح موروحين
انه وياك واحــد ما نصير اثنين

عادي بهل الوكت لمن صرتمفتون
تمنيت بحياتي ما اليه اعيون
لان بس اليشوفك ينكلب مجنون
ما شايف بشرمن ذهب مخلوقين
انه وياك واحــد ما نصير اثنين