ابو ذيات...توة

تذكير بمساهمة فاتح الموضوع :

ودرباك .......


هنجل كلبي من شافك ......... ودرباك
وحرت أشلون أعلمنك ....... ودرباك
كضيت زحوف شارعكم ..... ودرباك
وزلغت الركاب وعكوسي أديه



كلفاني .......
العشك يهديب عمري ...... كلفاني
وحبنه بغير حبكم كله ..... فاني
سهمك من رميته كل ..... لفاني
شك صدري وجزاني ورد عليه



ونتبهلك ......

بعد ما أصطبيلك ...... ونتبهلك
وحذر حيل مني .......ونتبهلك
أنه بأهلي أزامط..... ونتبهلك
أذا أهلك زلم هدهم عليه


وهملك...... أجيك بلهف أتعنه ....... وهملك
ولتضن يوم أملنك ..... وهملك
أذاظنيت متأكد وهم ... لك
لأن ميصح يهملك صافي نيه


وسبني .....
كلمن كال سوف أعمل ...... وسبني
جنه بجينه شتمــــــــني ..... وسبني
أكله من الوطن اطلــع ..... وسبني
أنه أبني الوطن بثنين أديه



شتمني .....
الفكر من عكلي طار ..... وشتمني
وعليه الما يشتمن ...... شتمني
بعد هل ذل يروحي ......... شتمني
تمنت روحي تأخذهه ألمنيه




يعراك ........طبع اليحفر بصحراء ..... يعراك
ومن طبع الشجر بالطين . يعراك
ومنطبع العراقي يصيح ... يعراك
دالك اهدي العمرفدوه وهديه



يماي ......
عطشان عله جرفك ليش ... يماي
كل خصله منكضهه تصيح.. يماي
بعيد أبعد بعد لا تلفي ........ يماي
أذا تلفي أشك ثوب العليه


وفصلاك .......
أنه الماخاف من اصلك ..... وفصلك
منكضك بيدي أكطعنـــــه...... وفصلك
ولمن ديتــــــــك لمــــــه .... وفصلاك
أذا مليون أنطي الفصل ميه


شطيت.....
يجيك كلبي ليش وياي ....شطيت
نطيتك دمع عيني تكول .. شطيت
أنه بدمع لعيون أشطوط. شطيت
وصب دجله وفرات بين أديه

تسلم ايدك حبيبي
حلوين كلش

[ندعوك للتسجيل في المنتدى أو التعريف بنفسك لمعاينة هذه الصورة] اخي وحبيبي مصطفى
دومك مميز انشاء الله التوفيق

دوم هذا الابداع

[ندعوك للتسجيل في المنتدى أو التعريف بنفسك لمعاينة هذه الصورة] تووووة روعة

شكرا للذوق الجميل في الاختيار
تحياتي

سلمت يداك وعاش ذوقك في اختيار الكلمات الاراعه والمعبره وشكرا على الجهود المبذوله في المنتدى [ندعوك للتسجيل في المنتدى أو التعريف بنفسك لمعاينة هذه الصورة]