العراقية الجميلة

طولج خارطه ..وعينج حضارة أور

ومن سومر ارموشج صاغهن ربج

وشعرج..الف ليله وليله مو بس ليل

يتلاصف ضوه وينور بدربج

نده التاريخ يروي ابخدج العطشان

وشفافج خمر..بس الهوه ايشربج

عله صدرج نهر دجله وفرات انقاس

وبنصهن صلب شط العرب كلبج

او بزنودج دفو هور الجنوب ايفيض

وبرد كل الشمال امخضر ابكربج

ونهرين وحضاره وخارطه وتاريخ

يعني انتي العراق اشلون ماحبج:

ماكو أحلى من العراقيه

عاش نقلك احمد

من أروع ماسمعت من شعر غزل للعراق الحبيبة
سلمت يداك وذوقك ياأحمد
ننتظر منك الاكتر