ااااااااالله ايسامحك!!!!!!!!!!!!!

الله يسامحك ادعيلك بهاااااااااي
وعليك امن الندم ماضل اصابيع
شريتك وكت محد جان شاريك
وبعتني برخص وكت المحد ايبيع
يطيبن ها تكلي ايطيبن اشلون؟
شنو ابالك بعد هم ضل مشاريع
اشتداوي وبية انة جروحك درابين
اذا ينزل دواك ابينهاااا ايضيع
مواضيع الوفه والحب والاخلاص
ودفة الايام ومسامر لسابيع
كمت اكرهن وماحبهن وياك
بكثر ماجنت احب هاي المواضيع
من الباب اجيتك جنت شاريك
وعاف اهواي كلبي وكلبك اختار
صار اسنين احبك موعشك يوم
حتى انساك صدفة وجهي يندار
الك بلروح حسرة اتكطع الروح
والك جرحي العلة طولي من البعدصار
طعم الليل بعدك من يجي الليل
طعم راس الشهر للكاعدايجار
يعني اشلون كلي اتروح وانساك!
وشبر شبر ابغرفتك عندي تذكار
انه ابنار هجرك مشتعل مااااي
ماي ومشتعل بيش انطفي ابنار!
وضميتك رغم كل هاي الجروح
مثل ضمة قراءة بحضن الزغار
وصرت معكود وية الدار والدور
ابالي ومن يشيل الدور والدار
وحفضت اسنين حبك عن ظهر غيب
حفظ صف الاول بأول نشيدة
وعلية اسهام كربك اشكدقريبات
بكد ماعنك اسهامي بعيدة
واكول المهم ايامك سعيدات
رغم ايامي ماجانت سعيدة
منك ماأمل وجروحك اعزاز
اريدنك تجي وجرحك اريدة
ويجي سهمك ابكلبي ايكطع الروح
واصفكلك واكول اللله عيدة
بغيابك الك موبس كلبي مكسور
الك مكسور حت كلب القصيدة
جنت من اقرة كلها اتصيحلي الله
وجنت وياي كلهم يسمعوني
وهسة ابغيبتك ماضلي احساس
وهسه حت بلصفكة كلهم جاملوني
بدونك مارحت من جنت مجروح
ودست جرحي ورضيت اتروح دوني
الكرامه وغيرتي واجروحي الكبار
اريد شما اجيبلك يبعدوني
بدي شلت الامس وادري بك اتروح
وجنت فوك الجرح تنزف مرارة
واكولن اتركك بس احن واشتاك
مثل تارك يحن اعلة الجكارة
مونفسك هذاك الجنت وياي
ولانفس اليغار وتشب ناره
الحرارة الجنت احس ابدمعتك ذيج
ابد لا مونفس هاي الحرار
اسنين العمر كلهن ضاعن اوياك
احجارة وبيد اطفال الحجارة

[ندعوك للتسجيل في المنتدى أو التعريف بنفسك لمعاينة هذا الرابط]

كلمات قمة الروعة والأبداع والجمال
كتر ألف خيرك ياذؤؤؤؤؤؤؤق
محبتي وأعتزازي

مرررسي امورتي محبتي وعتزازي لكي ياغاليه
مشكوره على مرورج

[ندعوك للتسجيل في المنتدى أو التعريف بنفسك لمعاينة هذا الرابط]