خلص خلك روحي وماردت انسان

[]خلص-خلك-روحي-وماردت-انسان]
وغضيت النظر عن ياهو اليفوت

احس عيوني جانن جنهن كبور
لان كل ساع واحد بيهن يموت

والماخذك مني سبع لكن غشيم
ماقرة علة شفايفك بوساتي

احساسة ميت لان حط ايده عله اديك
وأيدة ماعثرت بأثر لمساتي

عاين بوجهك ولا جنة يشوف
ولهسة بخدودك اثر صفناتي

مشة وياك وماحسب خطواتة زين
وما كدر يمسح اثر خطواتي

انه بأذنك وشم دكيت الكلام
وظلن اباب اذنك احجاياتي

يعني عوفة شما حجة بذنك كلام
قبل لا تسمعة تطب جلماتي

انه راسمهن رسم كل السنين
بورق جسمك وبحبر دمعاتي

يعني وين تروح تارك ذكرة بيك
وفنه بختك لو نكر وكفاتي

وباجر تقوم القيامة وذمة هاي
يحاسبك الله علة اثر طعناتي

وكلش عيب اكلك ترجع وياي
وكلش عيب اعوفك ما احاجيك

بقة براسي كلامك يلجم الروح
وبكلبي محبة يريد يرضيك

تمر مني واعوفك جن ولا جاي
بس بكلبي فد مشتاك احاجيك

اظم زلاتك وماكول غلطان
وبغيابك يم شماتة تغزلت بيك

كدامك اكلك انته مو زين
بس كدامهم عالراس اخليك

يغلط خنجرك بالطعن وياي
وخاطر لا تضوج بظهري ادليك

تطعني وظل متوسد الكاع
وتروح وارد اكومن حتى اماشيك

واسمع بيك عندك فرحة بالبيت
وظم حزني واجي لبيتك وهنيك

واخذ دم جرح من طعنتك ذيج
وكضلك جفية وضحكلك وحنيك. [ندعوك للتسجيل في المنتدى أو التعريف بنفسك لمعاينة هذه الصورة]
]للصديق العزيز الشاعر عباس الربيعي من الكوت