الف يوسف رحل ماكفت نضر يعقوب هم كالولة ذيب وصدك الفكرة

اعد كل شي للسفر 00 حقيبته 00 جواز سفره لكنه لم
يحسب حساب انه سيلتفت الى الوراء ويقرأ لافته كتب عليها ( جمهورية العراق ) فقال:

اعوفك مثل ميت طاب للتابوت

و ارجع مثل زاير طاب بالحضره

واجي عطشانلك لكن عطش رجلين

كل خطوه بطريقك تنحسب قطره

ورهخط الحدود الگاع خضره اتصير

و بعين اليحبك تنحسب صفره

ما تكمل جمل من ارد اسولف بيك

كل حچايه تطلع تنگلب حسره

نمنه بحضن غيرك ليش ترضى بهاي

غيرك من علينه وحضنك شكبره

ما لميتنه نزرع غضن زيتون

بس لميتنه اذكر موضع نحفره

الف يوسف رحل ما كف نضر يعقوب

هم گالوله ذيب وصدك الفكره

اذا طارت حمامه من الغصن بالله

ما تبقى ابتسامه بشفه الشجره

يل فگدك ثگيل وحدبتله ظهور

و اثار اليحبك واضحه بظهره

بست ايد الشمس بس ارد اخلص الليل

ليل بغير كاعك بلجفن جمره

سافرنه ورد والغربه دين اطفال

رجعنه الزغار على الورد خطره

ساعه اتذكرك تمسح نهار فراگ

لان بيه الدقيقه اتضاعفت عشره

مثل وقعه بدر شوگي وليالي جفاك

بيه القله گدرت تغلب الكثره

انه من اشتاگلك بلفطره من الله

مو لنك حبيبي ومو لان عشره

انا بالي اعتقد حتى الطيور البيك

ما تعبر حدود بموسم الهجره

لتصدگ فلا بلغربه راحة بال

فك اوراق روحي و بلجروح اقرى

مو دوم الاسم مضمونه بي تلگاه

محد لاگي ورده بكوكب الزهره

الى عيسى العراق من الحواريين

دين الغربه هذا من الصعب نشره

اذا رايد اتبلغ دعوتك للناس

لازم كل غريب بوحشته اتذكره

لذلك نعتقد تعديل هذا الدين

حتى انجيل حبك نكدر انفسره

وتلمنه وترد تقفل حدودك زين

من معبر الرطبه لمعبر البصره
........................
[/size]

الغربه صعبه جدا
والفراق من بعدها اصعب
الله يكون بعون المتغربين
تسلم بلال جميلة بكل معانيها
شكرا الك ودوما نتمنى لك الابداع

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

يسلموو ستي الغالية انرتي تحياتي

شكرا ياغالي سلامي الك

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

انرت عامر الف تحية الك

» كــم تتوقع عــمر البــعددك ...؟؟؟
» صور هيثم يوسف
» هيثم يوسف................