موعد حبيبين فصيح

هو / اشلونچ يا أعز

الناس عندي ..

هو الگلب چم أحبيبه عنده ..

هي / هزني الشوگ

عالموعد اتانيك ..

وأعد بيدي الدقايق

وحده وحده ..

وحده .. اثنين ..

هاي الثالثة تروح ..

اتاني وصار هالموعد اشبعده

نمت حسبالي

اشوفك بالحلم جاي ..

وگلت دمعاتي احطهن وسط خده

هو / نمتي .. هنيالچ غفيتي ..

وآنة ليلي يمر على

عيوني صبح

الينيَّم وردة ويمسد عليها..

مو مثل ليلولي وينيم جرح .. !!

والغفه ابكلمة محنه ..

مو مثل الينام وبعينه ملح ..!!

هي / لا حبيبي ..

آنه هذا الليل من يمرني دمعة..

وحزن.. واشواگ .. وحنين

آنه عيني عليك ما بطل دمعها ..

تبچي ما تسكت العين ..

هو / لا .. لا تبچين ..

امسحي دمعتچ

وارجوچ لا تبچين ..

يل دمعچ جمر

وخدودچ احلى أورود ..

خايف على اخدودچ من دموع العين ..

لا تبچين ..

وردة وتحترك ما تحمل النيران ..

يذبل كل ورگها وتستحي من الطين ..

هي / وانت تگلي لا تبچين ..؟

مو عمري انتهى .. وايامي كلها أتروح ..

لو راح العمر متگلي اجيبه أمنين ..؟

هو / لا تبچين ..

المن بعد المن تسوه دمعه أتطيح ..

هو اشباقي بينا

ونحترگ كل حين ..

تعبنا القهر ممشى جزيرة وخوف ..

صار الماضي غلطه وچنه غلطانين !!

لا تبچين لو يسوه العمر يمكن بچينا اسنين ..

هي / اشلون اتگلي لاتبچين ..

هو / لا تبچين ..!!

هي / تدري انت اليحب

ما يگدر اعله النار ..

ويا نار اللي بيَّه أتفزز الميتين ..

احتاج الدمع من ما اشوفك يوم ..

لأن يصبح عليَّ اليوم خمس سنين ..!!

حبيبي لخاطري ..

لا تبتعد ارجوك

ما احمل فراگك ..

تدري كلش زين ..

هو / بس ارجوچ لاتبچين ..

خوفي آنه عليچ من الدمع والله ..

مرات الدمع

ياخذ حلاة العين ..

ويل كلچ ترافه ارجوچ لا تبچين

موضوع: رد الثلاثاء ديسمبر 27, 2011 8:42 pm

يسلمو بلال
عاش اختيارك على الشعر الحلو

[ندعوك للتسجيل في المنتدى أو التعريف بنفسك لمعاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

يسلمو ست سلمى الروعة تحياتي الج

يسلموووو ياغزال عفوآ بلال الورد
حلوووو كتير لكن مكانه مش بالشعر الفصيح
تم النقل في المكان المناسب
شكرآ جزيلآ

يسلموووووووووو يا اروع امارة انتي الغزال الحقيقي تحياتي