كافي حبيبي اللعب لوتحب لو ماتحب

تذكير بمساهمة فاتح الموضوع :

كافي حبيبي اللعب......,,,,....هالوضع حيرنه
لوتحب لو ماتحب..............أرجوك صارحنه
*********
صح انته كلش حلو..........عيون ألمها عيونك
والذهب لون الشعر................ضي البدرلونك
وصح الجمر شِفتك..............ومكحلة أجفونك
بس انته مثلي بشر................الفرق مظهرنه
كافي حبيبي اللعب.................هالوضعحيرنه
*********
صح أنة روحي ألك.........منذورة واحنه ازغار
وما تلكه مثلي بشر.................منك عليك أيغار
يالأشكروشِفتي...................بالعتبة ألك تذكار
من دمي اصوغن كحل..........ودموعيألك حنة
كافي حبيبي اللعب...................هالوضع حيرنه
*********
صحانته قطر الندى...........والسجة بيها أشواك
وتمتلك أجمل قصر...........عاليوتحيطه أشراك
وصح القدر موسهل.............مال وجمال انطاك
لاتظن نفسكملك...................خدام ألك صرنه
كافي حبيبي اللعب................هالوضعحيرنه
*********
صح أنيّ ما امتلك..................سيارة لااموال
امتلك ثوب الفقر..............مستورة بيه الحال
وأعترف وضعي صعب.....بس عندي راحةبال
وأبقى عزيز النفس................ماأرضى بالمنه
كافي حبيبي اللعب................هالوضع حيرنه
*********
هذا الفرق ياولف....................ما بينك وبيني
أشما نلتقي نبتعد....................وأتمنه تلكيني
اختار انتهالوضع..................أرجوك ياعيني
لو من كيانك تحب...................لوتبتعد عنه
كافي حبيبي اللعب.................هالوضع حيرنه
لو تحب لوماتحب..................أرجوك صارحنه
*****************************

[وحدهم المشرفون لديهم صلاحيات معاينة هذه الصورة]

ينقل الى الارشيف السبب
مرور اكثر من3 اشهر على الموضوع

تـــــح ــــــــــــياتي

[وحدهم المشرفون لديهم صلاحيات معاينة هذه الصورة]