ما مليت بس تزعل

ما مليت بس تزعل

لا تكثر بالزعل ماصخ تصير
وهذي زعلاتك تضل تعيدها
ولاتضل تطلب واذا اردك تكول
هذي هالطلبه بعد ما اريدها
شوف ولفك لو ردت منه الكمر
الكمر جابه وشمسنه يصيدها
ليش متفنن زعل بس كلي ليش
وهاي سالفتك بفن تجيدها
اني فاتحلك كلب اخذ التريد
ولو مليت عدول اكلك زيدها
ما اريدك تنضر الغيرك تغار
خل تغار الناس منك كيدها
صير اول لاتباوع عالذيول
صير راس كلوب ناس تسيدها
ولاتضل تتبع الناس الضحكوك
اتبع الناس الصلب تشديدها
جي لان خايف عليك من البشر
تكول هالعشره بعد ما اريدها
روح خل غيري يضل يضحك عليك
ولو يشوف اغلاط كلك زيدها
لان ما رايد عمر يتباها بيك
رايدك لحظات طيش تعيدها
ما يخاف الناس وسهام العيون
والعواذل تنتقي بتسديدها
واني من عين البشر خايف عليك
وما اريدك تنذكر يوم بهجاء
وادري بيك شما البيلك تكول
مقصر بحقي بكبر هاي السماء
اني ما اريدك زغير بعين ناس
رايدك شامخ بزود وكبرياء
رايدك مو بس جسم مو بس جمال
تصبح اجمل لو مله الروح النقاء
ردتك تعيش العمر في كل شموخ
وما اريدك تلتفت لحظه وراء
التفت بس كون متقبل كلامي
التفت لاعن ورائك بازدراء
ردتك تكون اول بكل الامور
للامام تسير نحو الارتقاء
ولو مشيت بناس تاخذلك تحيه
ولو تمر عذال ادولك سلام الامراء
هيج اريدك تحله بعيون البشر
تالي منك وسفه احصد بس جفاء
وتالي تنطقها ونسيت شكد تنيت
شكثر هم تحملت وشكد عناء
وانت متاكد اردلك تدري ليش
لان تدري بكلبي اصفه من الصفاء
ولان تدريني احبك في جنون
كمت تدلل علي بس .. بغباء
ما حسبت حساب لو هاجت ضنوني
تنطبق عالارض في لحظه السماء

الله الله يا موجه كلام جميل بالفعل شكرا الج ورده انتي

شكرا الك وردة نورت

شكرأإأإأ ع الشعر الجميل والرائع

دوم الابداع

تحياتي

I love you

نورت عيوني