اذا خنت العهد ونسيتني بلحظات

اذا خنت العهد ونسيتني بلحظات

انا اللحظات كلها اتغني بحروفك

مستغرب احبك لو جديد اشتاگ؟

تمنعني وعلية انجرت اسيوفك؟

تنكرني ولك ميهمني اي نكران

نهر اني بمحبتك تنكر اجروفك

مو نزوة بحياتك اني يا بذات

حتى اتبيعني وتمنعني ما اشوفك

اقبل لو تصير ابروحي هم ونوح

واشيل الحمل منك واصبح اچتوفك

اذا تبچي ردت انطيك عيني افداك

لو عيني انعمت كملت معروفك

ما اقبل اعوفك گلي ليش انساك

مو حتى من انام اتلاگه بطيوفك

خايف مني واني الصرت لاجلك بيت

بعد ما عمري سافر بينت خوفك

بس كلمة اگلك وحدة حتى اتروح

وراح اچذب عليّه واقدر ظروفك

تره انت اخدعتني وچذبت علشوگ

بس دولاب دنية وباچر اتلوفك

سلطان
كلام رائعه لدرجه الفناء
كلام مبدع
واختيار اروع
تحياتي لك
يا قمه الابداع

سنار
مرورك راقي ومميز وجميل
دائما حضورك يسعدني
ودي

واشيل الحمل منك واصبح اچتوفك

اذا تبچي ردت انطيك عيني افداك

لو عيني انعمت كملت معروفك

ما اقبل اعوفك گلي ليش انساك

مو حتى من انام اتلاگه بطيوفك

كلماااااات حلووة

عااش ذوقك

تحياتي الك سلطـاان

تسلميلي اوسكارو ع المرورر
نورتي عيوني
تحياتي الج