اعضاء منتدانا الكرام اليكم رسالة سليل الريالي

الادارة المحترمة
مشرفينا الافاضل
اعضاء منتدانا الكرام

في مساء هذا اليوم
طلب مني العضو سليل الريالي
بالعوده الى الاشراف
وقد رفضت لان سحب الاشراف منه كان بسبب
تهكير ايميلات وشكاوي كثيره
ورسائل الشكاوي موجوده
وعلى اساس انه اختيار المشرف لسيرته الجيده داخل المنتدى
وفي كل مكان
وايضا ارسال ايميله لكل العضوات الجدد
كما تم تهكيره لمنتدى احد اعضاء من منتدانا

اعزائي اعضاء المنتدى بعد رفضي لطلب سليل
قام سليل بارسال هذه الرساله لي عبر موقع الفيس بك
ولكم الحكم

مع الاسف عليج ست هديل اني مراح اكول شي بس نادم على تعبي اللي
ضيعته علمود اصير مشرف واريد اكول الغلطه مو منج من استاذ زمن لان انطاج
ادارة مع الاسف هذا المكان متستحقي

واذا احجيلج كم عضووو
ضايج منج يمكن تطردين اعضاء المنتدى كلهم خليني ساكت احسن وعيب عليج اخذتي
الاشراف مني واني بس اشوف استاذ زمن راح احجيله على كل شي كالو الي الاعضاء
المساكين اللي طردتيهم واللي بعدهم

وبعد علمود متتفلسفين براسي وتكولين اختار المشرفين بحكمة روحي شوفي موجة اللي متطب للمنتدى اصلا وكناري اللي مكضيهه لعب

وبع وبعد شحجي بس صدك مع الاسف عليج

اعضاء منتدانا الكرام
اسباب طرد بعض الاعضاء موجوده في هذا القسم
دمتم بالف خير

اعضاء منتدانا الكرام اليكم رسالة سليل الريالي 497941167

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

لالالالالالالالا
شنو هذا الكلام سليل مع الاسف عليك مجنت اصورك هيج
لان هدولة انسانة روعة والكل يعرفهه وعمرهه مشفت منهه شي ولا فديوم اتهجمت على اي عضو
ولا فديوم انطرد عضو بدون سبب هي اكثر وحدة تتفهم الموضوع ومتصرف
بهيج شي الة اذا كان الموقف صعب عيب عليك سليل
انت اخونة وصديقنة وميصير هيج تحجي مهما يكون المفروض تحترم لان هي اكبر منك
واتمنى متزعل مني لان هاي حقيقة
اتمنى تكون اكو ثقافة وادب بالكلام
هسة لو كايل غير هديل كان ممكن نصدك بس هديل لالالالالا
والــــــــــــــــــــف لا
يسلمو هدولة حبي ع الموضوع

الف تحيه الج هدوووله

وسليل شنو هذا الكلام على الاقل احترم فارق العمر الي بينك وبينها

وبعدين شنو الاشراف انتي جاي للمنتدى ع الاشراف

لوشنو ها

وبعدين ست هديل منو يكرها ليش هو اكو احن من كلبها

واكو احد يتعب مثلها

وشي ثاني منو الاعضاء المطرودين ماكو غير بس المخالفين

ويستاهلون

وانت اخووونه وصديقنه وحبيبي واني اعزك وحترمك

ليش هيجي

اتمنى تعتذر من ست هديل

لان هيا اكبر منك

تحياتي الك

سلطان حببيي

موضوع ست هديل مو ست اماره ههههه

تحياتي ياغالي

هههههههههههههههههههه
والله حمودي بعد معرف شحجي لمن شفت الموضوع

اسف خيتي هديل وربي منتبهت زين التهيت اقره بلموضوع
عذريني
واناا ايضا اكولك يا سليل اعتذر
لانه هاي اختنا وصديقتنا هدوله الورده الطيوبه
مفد يوم طلعت منها غير اللكمه الحلوه والطيبه وربي
ربي يخليها
عيد نظرك بكلامك سليل

تحيااتي الج هدولة
اعتقد مو سليــل الي يقيم هديل الحمام
ويكول اختيار زمن خطأأ
لئن الكـــل تعرف من هية هديل الحمام

بس هيج شخص مخطئ اكيد مراح يعترف بخطئه
ويحط الحق على غيره
حتى يطلع هو الصائب

وهوة الاشرااف مو فد شي يعني انت عضوو او مشرف تبقى مثل ما انت مميز بكل مكان
ويبقوون نفسهم الي يحترموك ويحبووك

بس هاي المشكلة
المتمييزوون يبقون دائمآآ لهم اعداء
الف تحية الك مرة ثانيا هديل
وشكرا عل نقل الرسالة حتى نعرف من هو سليــل!

صلو على محمد وعلى اله محمد

الاخت المحترمه هديل مستحيل احد يكدر يحجي عليج كلمه

لان الي يحجي سواء كان سليل او غيره ما عنده اخلاص لهذه الموقع

والمنتدى احنه الكل جايين عليه حتى نرتقي بيه مو حتى نجي على هاي المواضيع

الاخت هديل اداريه هادئه تتصرف بحكمه

ومستحيل تسوي ش او تطرد احد لحالها

موجوده اسبابها واني برئي ست هديل كفووئة بمنصبها كلش

اما بالنسبه الك يا سليل يا اخويه

ليش تحجي هيجي هاي اولا

انته جاي تراقب المراقب على الزله المفروض منك اذا تخاف على المنتدى ويهمك المنتدى

تروح تنصح المشرف تروح توكف ويا مو تجي تسوي مشكله وتذكر اسماء

هذه برئي

موجه اجازتها موجوده واسبابها كافيه اذا موجه مموجوده فانت واني وغيري نكون بمكانها كاعضاء مخلصين لهذه المنتدى نحافظ على ترتيب قسمها حد ما ترجع وشوفها شلون راح تشكرك

وكناري بس اليوم يمكن تواجده قليل بس انسان مبدع ومميز وبصمته بكل الاقسام واني البارحه رديتله على موضوعين مميزات كلش

انته تحجي على اللعاب وانتي الي تروح وتارك الاقسام ورايح على اللعاب اني مدى اكولك لا تروح على قسم اللعاب اني نفسي اروح هناك واضحك واغير جو

القصد من كلامي المشرف يعني شنو من صار مشرف على كذ قسم المفروض ميطلع منه واذا راح

كلامك كله محلو مع احترامي الك صديقي سليل

كلامك مو بمكانه بحق متميزين هذه المنتدى

هديل وموجه وكناري من المتميزين بهذه الموقع

اني نطيت رئي ولو طولت عليكم

شكرا

تحياتي الج ست هديل و مثل مكالت اوسكار مو واحد مثل سليل و بعمرة يجي يقيم

هديل الحمام

لان انتي انسانة مميزة و راقية و الكل يحبج و يحترمج بالمنتدى

و بعدين سليل اهنا بالمنتدى شنو جااي علمووود الاشراف

احنه موجودين اهنا بالمنتدى حتى نستفيد و نفيد

و نتعرف على احلى نااس مو علمود رتب

و بعدين حتى انت تدخل قسم الالعاب

و بالنسبة لكناري هو يومية يتواجد بالمنتدى

و مووجة الابنية معذوورة لان عدها ضرووف

بس سليل متوقعتك هيجي

اسلوبك و كلامك ابد محلووو

و انت غلطت بحق ست هديل غلط كلش جبير

تحياتي

والله اني اكول لكل الاعضاء

الي يحب المنتدى من صدك ميهمة الاشاراف لو اي لون

حقيقة بلاونة الاخيرة

عرفت هواية ناس همة مشرفين ميستحقون الاشراف همهم اللون

وبس لان حقيقة شلنة اشرافهم وخلينة الهم نفس الصلاحيات بدون اشراف اصلن مشفت وجهم بلمنتدى

ع العموم سليل حجة هلحجي اعتقد جان شايل ع هديل

لان فجئة انفجر بوجهة وهوة لو يحب المنتدى يستمر بلة اشراف جان عضوو مميز

بمواضيعة بس يلة هية الحياه تجارب

الف تحية الج ست هديل
وابدأ كلامك سليل محلو وموصح
وهو اكيد مخطئ ومراح يعترف بخطأ
وهو عضو مميز وكلنة نعرفة بس مو الاسف علية
كلنة نعرف ست هديل ونحبهة ونحترمها
الف تحية الج مرة ثانية
شكرا

تحياتي الج هدوله واكيداي اجراء
بحقه يستاهله
مهماصارالخلاف بيناتنه ميوصل لهلكلام واسلوبه بلتجاوز
واستاذناالمحترم زمن علي هوقدوتناوالي يسوي هويمشي
واحنامهماصارالتجاوزبلكلام القوي ميصيرررررروباطل التفاهم حلو
وانت ممسوي تعب بلاشراف حتى تزعل انطى مناانشال مناصح واني قسمك البسيط امرتبته اصلا
جان اسم واذيه وتهكيرمنك بس فشكرلان اسائتك لهديل يعني اسائتك علينه كلنه ومنقبل
مررررسي الج هدوله

بسم الله الراحمن الرحيم
السلام عليكم ورحمة الله وبركاته
تحيه طيبه الى كل اعضاء المنتدى الكرام
ما حصل اليوم هو شي يلفت النظر على كل ما يحدث في المنتدى ومن مشاكسات و تجازات واتمنى ان نبتعد من هاي الساليب وكان مضمون الرساله مفهوم ولا يحتاج الى تفسير
ولا احد يشكك بقدرات الاخت هديل الحمام هي اداريه رائعه وغنيه
عن التعريف وعدها اسلوب جميل في التعامل مع كل الاعضاء
واما بخصوص طرد االمخالقين ونحنو كلنا نعرف عندما العضو
يخالف يطرد من المنتدى وهذا الشي متفق عليه حتى يكون منتدانا من افضل المنتديات
اما بخصوص الاشراف
مو فد اهميه عند العضو الناجح و مميزه اذا كان مشرف او مشرف عام او عضو عادي
وتوجد قوانين بقسم الاشراف تقول *المشرف الغير متواجد
كثيرا او ما يهتم في عمله ينسحب منهو الاشراف
وبنسبه االمشرف كناري هو عضو مميز ومبدع ومحبوب من كثير
لا انكر ان سليل عضوه جيد و مبدع لا اعرف شنو الضروف الخلته يعمل هاكذا
اما
التجازو الذي حصل من العضوه سليل الريالي بحق الاخت هديل الحمام هذا لن
نقبل عنهو ابدا
يجب احترام السن بين
الاعضاء كلنا نعلم نحنو هنا عائله واحده
اخواني و اخواتي ما حصل
اليوم هو احساء الى كل اعضاء المنتدى
ويجب من
العضو سليل الريالي يدخل هنا على هذا الموضوع ويقدم الاعتذار الى الاخت
هديل الحمام
والقرار متروك الى الاداره
المحترمه او صاحبت الشئن
وتحياتي لكم

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

اعضاء منتدانا الكرام اليكم رسالة سليل الريالي L9tu7fqesqkf

السلام عليكم ورحمة الله تعالى وبركاته
الف تحيه لقدوتنا الادارية المتميزة والطيبة ست هديل
ومن يتجاوز على فرد من الأداره او المشرفين او الاعضاء اعتبره تجاوز على جميع من في المنتدى
وهذا كلامك ياسليل غير جائز وغير مرضي واذا ست هديل ما اتخذت قرار ضدك انا من رح تتخذ القرار
كلمه واحده اقولها فقط ياسليل ..... مع الاسف
شكرا اقولها لكل عضو رد على رسالة سليل وعلى حق ومش على باطل
ودمتم بخيــــــــــــر

بصراحه شيء مؤسف لأن سليل محسوب على منتدى راديو الحريه

وهذا تجاوز على أداريه معروفه بتميزها وحبها للمنتدى والاعضاء

أتمنى أتخاذ قرار سريع بدون أعتذار وماشابه من الانذارات

تحياتي للجميـــــــع

بسم الله الرحمن الرحيم

تحية طيبة الى جميع الاعضاء

بالنسبة للعضو سليل الرياللي

اني مراح اكله مع الاسف امنت بيك وانطيتك لوحة ادارة وغدرت بيه وهكرت المنتدى بس عادي ميهمني رجعته
بـ15 دقيقة والله
واجيتني وكتلي اخوك ومدري شنو كتلك انطيجك عيوني مو بس ادارة وقدرتك وطعنت بيه واخذت ايميلات البنات بالمنتدى وناشرهن ومدري شنو وشوهت سمعتي كدامهن عادي ياسليل انته والله هناك تتحاسب ..

بس هسه من صدك اكلك مع الاسف عليك ياسليل تجاوز على انسانه اكبر منك بالعمر ومتوصل شعرة الها ولثقافتها واخلاقها عيب يااخي هل انسانه ثق بالله احجي وياها كله ست هديل
وهيا اقدم منك ومني ومن البقية بالمنتدى ميصير هل حجي يعني تحب تجرح وتضوج الناس بس متخاف على نفسك يم الله هناك شلون تتحاسب..؟ من تحجي على بنات وتنشر ايميلاتهم الي بكتهن من المنتدى مالتي متخاف على عرضك..؟ هنا مو مثل خواتك وكلنه عائلة وحده ..؟

سليل انته اذيتني بس عادي سلمتك بيد الله

بس مال تجاوز على انسانه يعني هاي تاج راسك وارقة انسانه ومحترمة هاي عيب فالله كريم ياسليل
وانشاء الله الادارة يتخذون القرار باسرع وكت وميشرفنا هيج شخص بهل عائلة المحترمة لانه العب بالنار تعرفه شنو ليش تلعب بي وتاذي الناس
وتحجي على ناس

وبعدين كتلي استاذ زمن يتوسل بيه ع اشراف اكلك اخي استاذ زمن بحالك ..؟
من سئلة احد الاعضاء كله اصلا ماعندي علاقه بأي عضو منو هذا عيب عليك

الظاهر انته

مريض نفسيا والله

اني وغيري كل بشر اذيته وتجاوزت عليه

سلمناك بيد الله هوا ياخذ حقنة منك

..........

تحياتي واحترامي لست هديل وكل الاعضاء

تم غلق الموضوع
-----------------
والسبب // اصبح الموضوع دردشه بكلمات لاتليق بمنتدانا
وسوف اتخذ أنا والاداره الموقرة الاجراء اللازم بحق من أخطأ
وتحياتي الكم

شكرًا يا غالين لردودكم الرائعة
يا أحلى وأوفى واجمل اصدقاء
دمتم بالف خير

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها