دمع دمعت عيوني بكثر ما حنيت

[ندعوك للتسجيل في المنتدى أو التعريف بنفسك لمعاينة هذه الصورة]

دمع دمعت عيوني بكثر ماحنيت
وفاضت بالدمع من حنّت عيوني
ومل حتى الدمع من عيني لمن طاح
وحتى عيوني من دمعاتي ملّوني
أغمضهم صرت العيون من يبجون
خايف ع الدمع ينزل على متوني
تذكّرتك غفل وما أدري شنهو الصار
كلبي إتوجّع و دكاته أذوني

[ندعوك للتسجيل في المنتدى أو التعريف بنفسك لمعاينة هذه الصورة]

اجيت ببالي طيف وحرت شحجي وياك
وخفت من نومي افز ومايرد نومي
اكَل لعيوني نامي وأحلم ردود
تكلي الروح كافي من الحلم كومي
لا اعرف صلاتي صرت آني وياك
وما أكدر امّيز أكلي من صومي
ودوم من العشك ماعندي حظ وياه
مغبونة اشوف من العشك دومي

[ندعوك للتسجيل في المنتدى أو التعريف بنفسك لمعاينة هذه الصورة]

شيرجّع عشكنا وكل سهر الايام
لأيام العشك يادنيا رجعوني
ماندمان أكلك بس احس بالروح
نار وبية رايد بس تطفوني
واذا يرجع بعد بية الزمان ردود
ما اختار احبه ولا تخيروني
احبابي مشوا ومابقت بس آلام
اجت احلامي بيهم وهمه ماجوني

[ندعوك للتسجيل في المنتدى أو التعريف بنفسك لمعاينة هذه الصورة]

فزي من الحلم كافي بعد ياروح
آنة بكل رخص احبابي باعوني
جنت ماعوني احطه لو احس جوعان
واحط روحي إله لو خلص ماعوني
ولمن عني راح وهاجر بعيد
احس ميت صرت وبحضانه شيعوني

[ندعوك للتسجيل في المنتدى أو التعريف بنفسك لمعاينة هذه الصورة]

أكل للروح عذبني الأحبه هواي
تحسدني وتكلي الروح خيعوني
لان بعده العشك اخضر تشوفه وياي
وآنة بداخلي بس نار تلكوني
ودمع دمعت عيوني بكثر ماحنيت
وفاضت بالدمع من حنت عيوني

عاشت الايادي ورده ع الموضوع الجميل

يسلموووو عطر على كلام الجميل

شكرا الك يا عطر طرحت فأبدعت فتميزت فأستمر بالتميز
تحياااتي الك

اجيت ببالي طيف وحرت شحجي وياك
وخفت من نومي افز ومايرد نومي
اكَل لعيوني نامي وأحلم ردود
تكلي الروح كافي من الحلم كومي
لا اعرف صلاتي صرت آني وياك
وما أكدر امّيز أكلي من صومي
ودوم من العشك ماعندي حظ وياه
مغبونة اشوف من العشك دومي

عاااشت الاياادي ع الكلماات الحلووة

دووم الابدااع وردة

تحياتي الك

روعه ترتيب للكلمات رااااائع

شكرااا ياعطر القلوووب

الف تحيه الك

اخ منيرر
منور لمنتدى بمساهمااتك الحلوه
تحيتوووووو

[ندعوك للتسجيل في المنتدى أو التعريف بنفسك لمعاينة هذه الصورة]
أين تتسكع السعادة .!!