نكتة عن الشاعر و المحشش ههههههه

[b][center]

محشش كاعد يم شاعر وعدكم الحساب ههههههههههه اول كلام هو للشاعر والبين الاقواس للمحشش .....لقد جفت اقلامي ......(عادي نشتريلك واحد جديد) ... ...وتكسرت مجاديفي (حاول تسبح لو ابقى كاعد بالبلم لحد ميجي واحد يساعدك) سابقى هنا حتى مغيب الشمس ( سمي باسم الله وروح لبيتكم تره ماصار شي ) لن ادع الاحزان تأخذني (شتسوي بيك تاخذك من جمالك لو من فلوسك هو انت حديقه) لقد ابحرت وعبرت المحيطات بدون قارب ( بدينا بالجذب .. مبقت بس تكول عبرت سباحة مثل الشبوط ) لقد جمعت آهات الحزن وحنين الالم (لو جامع طوابع بريديه مو اشرفلك) هكذا الدنيا تدور وتدور ( من زمان ندري بيها تدور كالتها ست فوزية بالجغرافية من جنا بالخامس ابتدائي ) اني اسمع تكسرات عظامي ( اكيد ماتشرب حليب بس تشرب بيبسي وديو ) انظر هناك خلف الافق ( دا اباوع ما شوف شي .. شكو ؟؟؟) سوف اعلن للعالم (اعلن براحتك بس بروح الغالي لتصيح باذني ) سوف اعلن ان هناك من يقتل الابداع ( اذا انت الابداع فقتلك حلال) من قال ان الابداع قد مات (أنت گلت هسه .. لو غيرت رايك ؟؟) سوف اريهم من انا ( والله عمي سبع .. مثل مكال الشاعر لتخاف الا من السكوتي ) انا القلم الذي يكتب بلا خوف ( يمعود شنو هالقوة دير بالك على عضلاتك ) سوف اكتب في كل مكان (الله يخليك وين متريد تكتب اكتب بس لا على الحياطين) اما زالت اقلامي جافه (والله ضوجتنا انت واقلامك أخذ لك قلم رصاص وريحنا ) هل مازلت تائه في معمعة الايام؟؟ (والله الي يسأل ميضيع ) سوف احقق كل اهدافي (بس دير بالك لا تطلع تسلل ) نحن لا نفهم (احجي عن نفسك لتشمل الكل ) الى متى ونحن هكذا (الى ان الله يفرجها ) يامن تكتب بين الاقواس اسكت (تدلل بس فضها كمل .. كمل ) نعم من قال لك هذا ؟؟ (صارلك ساعه تحجي وهسه تكول من قال لك هذا انت گلت قبل شويه ) من قال ان الكلام الذي بلا معنى ليس بابداع (عمي والله انت كلت محد غيرك يحجي) كنت امزح (والله ؟؟؟؟؟؟؟) لقد عرفت في حينها ان الحب قد ضاع (تريد احد يدور وياك ؟ تره احنا حاضرين وبخدمة الطيبين) هل هذا الزمان هو زمان الحب ( والله ما ادري اني غريب مو من هاي المدينة ) هل هناك شي اسمه حب ؟؟ (ابو الشباب متكلي انت شتريد بالضبط ؟؟) كلا لا يوجد ( گول والله ) لا يوجد ( احلف ) لا يوجد ( يطبك مرض)