تعال لخاطرك ضل عندي مكسور

تعال لخاطرك .. ضل عندي مكسور
وصدكني اعترف .. اني الكسرته
تعال لكلبي .. متيتم بلياك
تعال لخاطري .. ونشف دمعته
صح مني الزعل .. مابيك كل صوج
واحاسب روحي ..لان كلبك جرحته
تعال وخل نشد .. حبل المواعيد
حيل تندمت .. لمن كطعته
كتلك عوفني .. كل قصدي الاشيك
كلت الحب حلو .. تونس زعلته
ما اصورك .. منتظر هاي
بوجهي الباب .. شو رأسا قفلته
اعتبرني بهاي جاهل .. جنت احاجيك
وطفل غلطان .. ما تغفر غلطته ..؟
كمر وجهك تعال .. وضيع الليل
وخلي الليل .. يرجف من طلعته
ترهملي انت بس .. وارهم عليك
ومايسوى الزعل .. شكك صفحته
اعتذرلك هسه جيت .. وكون ما جيت
وعساني لبابكم .. لا ما وصلته
كتلك انت اليه .. وملكي للموت
وغيري وياك .. ما ترهم عشرته
كاعي انت وزرعتك .. واني فلاح
ليش الغير .. يحصد بالزرعته
كلبك هذا يمي .. وسولف وياه
اكيف لو يقنعك .. او قنعته
ما اصبر بدونك .. لحظه ما عيش
هذا الصوت .. من كلبك سمعته
تعال بسرعه نرجع .. ننسى الراح
ومن كلبي الزعل .. صدك مسحتهتعال الخاطرك ضلعندي مكسور