ابوذيات عراقيه

[ندعوك للتسجيل في المنتدى أو التعريف بنفسك لمعاينة هذه الصورة]

اتمنه تعجبكم الابوذيات

بقيت لوحدي كمت احجي ويه حالاتي
دموع العين مو نشفت ش حالاتي
ادور اسنين من عمري وحالاتي
مثل غيمه سمه وتمطر عليا

ما تدري بجفاك الكلب ماراد
وكتي وليريده عمل ما راد
بعالي الصوت اصيحن يرد ما راد
هلال اللي مشه ميعود اليه

جماللك حيل يسمر خبلاني
ابتليت وبلوه حبك خبلاني
اتجنيت بجمالك خاف بالله اني
انت اشبيك هم مجنون بيه

الليالي اشهوداذا ناسي وعيدك
بلكي اتعود للماضي وعيدك
شعلت اشموع ميلادك وعيدك
وفرحت رغم الجروح الي بيه

حنانك ما وصل مره حناني
قسه كلبك كسر هجرك حناني
اذا اشموع الفرح يمك حناني
الشموع تذوب وجفونك بيديه

اريد اسال كلبي شخذ وشراد
ليش بغفله عني ابتعد شراد
لو انك تدري كلبي شطلب وشراد
يريد يصير الك وانت اليه

الوقت مايوم منه حيراني
السهرني بس جمالك حيراني
اموت ويمر شخصك حي يراني
بنظر عينك ترد الروح اليا
بانتظار ردودكم

يسلموو ورده ع الابوذيات الجميله جدآ
الف تحيه الك

جماللك حيل يسمر خبلاني
ابتليت وبلوه حبك خبلاني
اتجنيت بجمالك خاف بالله اني
انت اشبيك هم مجنون بيه

يسلموووووووووووووووووو

يسلموو ع الابوذيات الجميله جدآ
الف تحيه الك

[ندعوك للتسجيل في المنتدى أو التعريف بنفسك لمعاينة هذا الرابط]

يسلموووووووووووو ابوذيات رروعة