لغيرك ما كلت صدگني مشتاگ

تذكير بمساهمة فاتح الموضوع :

يمرني الليل شايل بيدة ذكراك
وأحننلك حنين الشالته النوگ

وأشرب من صورك نخب الوداع
وأشمنك عذيبي بصدر مخنوگ

تعال اشكيلك جرحي وشوفني شلون ..
الك زارع محبة بصفنة الشوگ

تعال وخل اصير بحظرتك طير
ومن شجرة وصالك اخذ اعلوگ

جثيرة أحلوگ كالت چنه عافاك .!!
تعال ارجوك سكت هاي الحلوگ

تدريني اعله دربك زارع الروح
وعله حايط خيالك چفني مدگوگ

أفتوگ ايام حزني تسلم أعليك ..
منو غيرك يجيني يشل الفتوگ ؟

لغيرك ما كلت صدگني مشتاگ
والمشتاگ بس لشخصك تلوگ

تعال العين ظلت تطلگ اهات
وخايف ماتجيني ويقوة الطلوگ

الك شجرة عشگ زارعهه بالبال
وبيهه الساگ يسمع صوت العروگ

أتانيك بدمعتي اوحشة البيت
بصفنتي ويالشعر بأحساس محروگ

صده صوتي يفزز حته الگبور
عجب مو گلب عندك چنه طابوگ

يا صندوگ لم احلام السنين
يا مفتاح يرهملك يصندوگ ؟؟؟

تعال وياك اخذ ثار الدموع
ومن غيرك عليه تضيع الحگوگ

استوة تمر المحبة وياك بس ليش
ما شفت التمر بس اسمع عثوگ ؟؟

يا سوگ المودة الحاكر الشوگ
بعت روحي وأجيتك اشتري السوگ

مما راق لي

مرحبا عزيزتي شكرا لحظرتك دائما ما تكونين مميزة باختيارك
تحياتي

يسلمووو كلمات روعهعاشت الايادي المبدعهانشاء اله دوما التالق

» اي اثر تتركه لغيرك؟