زهيريات عراقية روعة

الاول يكول:
ضاع الصدك والجذب واحنه متاهه نسر
ودنياك ياصاحبي ادور يمنه ويسر
وهذا الا مر الي جره ماخبي عن اليسر
وبدروس هذا الوكت كل الربع صاقطه
وبعيني انه شفت غتره بوحل صاقطه
صاحبهه شارب خمر غافي بحظن صاقطه
جرته من شاربه اليوكف عليه النسر

الثاني يكول:
من يوم حبك ترى ناري اصبحت لاهبه
والصبر بيه الته وانه اصبحت لاهبه
لا شوك منك بدر لاشكر لي لاهبه
رب الحسن بس الك كل الحسن موهبه
وذوق تأليف الشعر عندي صبح موهبه
كالولي منو محبوبتك كمت وصحت مو هبه
ضحكو وردو علي كالو جذب لا هبه

الثالث يكول:
ماضل طعم للفرح ولعيد منته النه
جف الحزن للهضم وأبعدنه من تلنه
دور عمرنه المضه من اولنه من تلنه
نيران تسوه الگلب ورت گفاه وجاي
ومن حر لهبنه الجمر منه يتوگه وجاي
ياعيد علش اتعبت نفسك اليمنه وجاي
ياعيد محنه هلك ياعيد منته النه