ما اگولن احبّك آنه ميّت بيك

ما اگولن
احبّك آنه ميّت بيك
لأن هذا الورد منّك اخذ
عطره
لأن بيك الگلب متعلّگ و
مجنون
لأن گلبي يدگ من اسمك يمرّه
لأن عشگي إلك مو عشگ ليله و
يوم
الله الخلق حبك بيّه
بالفطرة
بگليبي ولدت و كبرت و حلويت
بگليبي زرعتك من چنت
بذره
سگيتك عاطفة و حب و دلال
هواي
تانيتك تخظّر و اصبحت ثمرة
يا أجمل أثماري و يا حصاد
النيط
من طيفك يمرني الگلب شيصبره
ياخذني عله بيتك گلبي يا
محبوب
و آنه ارگد و اغلّس و اخظع
لأمره
أعاين عله ابّيتك و احظن
الشباچ
أتاني الصبح يطلع و أبقى
انتظره
هلبت نظره منك تجبر المكسور
هلبت تنجلي الآهات و
ألحسره
هلبت بوسه من خدودك الترفات
تهيد برجفة الدلّال و
أتخدره
يا حلو الملامح يا ترف يا
زين
يابو خدود الگماري الدوم
متنورة
يا أجمل قصيدة و يا شعر
منظوم
و يا أجمل رواية عشگ بيهه
اقره
يا تاج الحِسن و انت أجمل
الحلوين
يا شمس الظهاري و بالمسا
گمره
دخلي سنين عمري تخضّر
بملگاك
خل يفرح گليبي ألما فرح
عمره
ما احچي و اوصّف طولك
المهيوب
و لا اوصّف ألشامه البلحنچ
خطره
و لا اگولن خدودك چنهه
تفاحات
بس اسألهه أمك هيه بيك أدره
أمك لمه طلگت بيك صرخت
حيل
ما صرخت وجع لكنهه مبتشره
تعديت بجمالك حسن (ابن
يعگوب)
و ما أظن آنه (يوسف) يوصل
لعُشره
جمالك داهية و يسحن سحن
بالروح
جمالك ظيم خلّه الوادم
بحسره
جمالك مو طبيعي .. و ما اگول
أهواك
آنه اعشگ تراب جدامك ألسمره
آنه اعشگ الگاع ألشالتك
يهواي
و اسكر بالدرب لجدامك تمرّه
آنه اعشگ جمالك ضحكتك
ممشاك
و اعشگ بيتك و شباچك و عطره
آنه اعشگ عذابك قسوتك و
جفاك
و احبك لو صرت جوه الضلع
جمره
احبك و اشتعل من راسي
للرجلين
و صابيعي شمع اعلگلك
العشرة
احبك و اليحب مجبور
يتعناك
إمام الحِسن و مرادي فقط
نظره

منقول

[ندعوك للتسجيل في المنتدى أو التعريف بنفسك لمعاينة هذه الصورة]

أنت القصة - التِي لا اُريدُ أنّ يكُونَ لها نهاية ♥

يسلموووووووووووو
اختي هدى
على القصيده الجميله والرائعه
تقبلي مروري

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

يسلمو خيو وليد على مرورك العطر
منور صفحتي يا ورد
تحياتي الك

[ندعوك للتسجيل في المنتدى أو التعريف بنفسك لمعاينة هذه الصورة]

أنت القصة - التِي لا اُريدُ أنّ يكُونَ لها نهاية ♥

الله الله على كلام الجميل

وروعة يسلموووو هدى
تحياتي

انت الاروع كناري منور الموضوع
تحياتي الك ورد

[ندعوك للتسجيل في المنتدى أو التعريف بنفسك لمعاينة هذه الصورة]

أنت القصة - التِي لا اُريدُ أنّ يكُونَ لها نهاية ♥

» ما اگولن احبّك آنه ميّت بيك