ابوذيات بحق ابي الفضل العباس (ع )

مثل حبكم لبو السجاد عــــباس
ابتشرنه وجه ابو سفيان عـــباس
فطر بطن السمه من نزل عـــباس
بنزلته وكسر خشوم ال اميــــه
وصل هذا اصيل انولد من صــال
بالدم دفه عظم الدين من صـــال
وشعل بالدم فيافي الغاضريــــه
وهذا المرتضى بالشرف وسمـــاه
على راس الكنطره حطاه وسمـــاه
سبع الكنطرة ورد المنيــــــه
وموهوب الكمر بالنصر ماهــاب
من هب الهوه وياه ماهـــــاب
وكف حتى الهوى بالغاضريــــه
وكف حتى الهوى والجيش صف صف
وطركهم طركة السرحان صف صف
شتا هذا يصيح وذاك صيف صيـف
زلم مطر سماها على الوطيـــــه
زلم مطرت سماها وساف من سـاف
وبنا للدين بالدم ساف من ســاف
تره العباس شايل سيف من سيـف
الفقار يوم الغاضريـــــــه
اجه منا نثرهم سوك منســــاك
وسكه ساكي المنايا الموت منسـاك
سور بكربلاء دك لاال اميــــه
سور بكربلاء والدين بينــــاه
صوته وعاش طول الوكت بينــاه
لهسه الاكته من الوجه بينــــاه
بخد كل نذل طابع راجديــــه