تحشيش على الولد هع

هلو بنات
جبتلكم يوم تحشيش على الولد

س: انواع الولد ؟
النوع الاول : الولد الخفيف الي يتشاقه اربعه وعشرين ساعه باليوم ويه اي واحد يشوفه كدامه عبرته لو معبرته راح يبقه يتشاقه

النوع الثاني : الحقنه الي تلكاه دائما كامش ملزمته وكاعد بالشعبه ينتضر الاستاذ يمكن حتى كافتريا الكليه ميندله

النوع الثالث : ما اعرف شسمي هو نوع متأثر حيل با المسلسلات التركيه يعني يوم يصيرلك مهند ثاني يوم تلكاه اسمر حسب الوضع ويقلد الشخصيه بكل حذافيره يعني ويه مهند تلكاه حنين وحباب وجنتل بشكل مو طبيعي وبعدين يكلب كصته ويلبس كله اسود وياخذله زاويه ع اساس ينتظر نادين

النوع الرابع : الفيكه والي ممخلي فيكه بالدنيه تعتب عليه والامه محتركه عنده وشي ميشبه شي

س:ما الاماكن الذي يتواجد فيها الولد ؟
الكافتريا علمود الاكل وطبعا يدورون بنات
وبالحديقه او الساحه يدورون بنات
باختصار يتواجد الولد بأي مكان بي بنات
اما القسم والشعبه فمستحيل يوصله الا اذا جانت اكو بنيه عاجبته هناك

س: ما الكلمات المتداوله عند الولد ؟
1-احم احم (او اي نوع من انواع الكحه الخفيفه) :الي تعبت يله عرفت معناه والي يقصدون بيه انه اكو بنيه حلوه با المكان
2-راح اروح اصارحها
3-ضربتني بوري
4-طلعلي فصل (لا والمشكله يضوج انه انفصل وهو شعبته اصلا ميندله وين )

س:اين يقضي الولد اوقاتهم ؟
1- عند الحلاق يعدل نفسه لان باجر عنده خمسه وعشرين وحده يريد يصارحه ( والحلو انه ولا وحده تقبل بي)
2-ضارب ركن ينتظر بلكت تجي بنيه حلوه حتى يعاكسه
3- كاعد يتفرج طوبه وحارك دمه وكال الريال وحجت برشلونه (وبس لو افتهم شطاب بجيبهم) هع هاي اهم فقره
4-على الجات وهم يدورن بنات

س: ماهي علاقة الولد بالفلوس؟
الولد ينقسمون الى نوعين من ناحية الفلوس
النوع الاول :التلاف يصرف ويرجع لي وره على اساس باعوني اني عندي فلوس وطبعا هنيال الكروب الي بي هيج واحد
النوع الثاني :الي يصير وجه اصفر واحمر وازرق..... الخ كل الوان الطيف الشمسي لمن بجيبون كدامه سيرة الفلوس

هههههههههههههههههههههههههه هههههههههههههههههههههههههه هههههههههههه

اي عفيه لمار مو بس همه يحجون علينه

[ندعوك للتسجيل في المنتدى أو التعريف بنفسك لمعاينة هذه الصورة]