حال البنات من يطلعن للسوگ؟؟ شوفن نفسجن من تطلعن برة

حال البنات من يطلعن للسوگ


--------------------------------------------------------------------------------



البنيه من تطلع ويه امها (للسوگ او لمنطقه معينه او دكتورة)
فقبل لا تطلع شتسوي::-


تروح تبدل ملابسهه تلبس وين الشي الضيق (مو كل اصابيعي سويه ادري) ، (أدري الجاي ادري عيوني المن اادره) ورى متلبس ملابسهه تروح گبال المغسله تنگع شعرها المگطرف تغرگه بالمي (مي عز الدين) گولوا خلصنا من الشعر عاد تبدي هنا المعاناة تدرون ليش ؟؟؟


راح تگعد تتمكيج تجيب وتحط بهالالوان عبالك گاعده تلبخ بحايط ما احجيلكم عن الاحمر والاخضر يعني بين قوسين يطلع وجهها قوس قزح وتحط لون فوك لون عبالك كاعدة بالمرسم الصغير


وراها تروح لامها ماما ماما (شوي بيها نزاكه لان عدها شغله يمهه)


مام عفيه احنه منا نروح وحدنا مو تخلين اخويه يوصلنا


الامايه : ووجع شبيج


(هذا الحجي وياه عقجه بالوجه ومد الخشم شوي ليگدام) تخيلوا شكلها


ولج ثولة مو عدنا سيارة ليش حرامات فلوس التكسي


ماما ماما اني انطيج فلوس التكسي


هسه عفيه احنه نروح مو ؟؟؟


الامايه : كَبررر (هاي الامايه اني معليه)


والله گولوا طلعوا من البيت بعد رزاله من الاب (ليش متخلون اخوج يوصلكم هذا عنوان الرزاله ... رزاله لو أيميل)


كولو وصلوا لراس الشارع


فات ابو سيارة الامايه اشرتله جان البنيه جرت ايدها


ماما اؤؤؤؤؤؤؤؤؤؤي هذا شايب


الامايه: انجبي ولج عبالي بيها شي


ورى شويه ويجيلك ابو سيارة مرتبة
لزكهم بـ طوووووط ههههه ورماش


اي ماما هذا عفيه


يابا للمنصور يم سهام العبيدي مادري شعدهن يم سهام العبيدي الكل تلگاهن اهناك


اي يمه صعدي (خوش ولد فقير)


الام :شكد يمه الكروة


ماما ماما لاتكولين كروة عيب ........ كولي مووني


الام اندارت عليها وكالتلها انجبي ولج خلي نتفاهم


عاد الولد جاوبها : بكيفج يمه


البنيه گمزت تريد تكعد ورة السايق



والله صعدوا گعدت وره السايق والامايه هم ليوره


المهم مشت السياره


والعينتين رأساً عدل علمرايه علمود يباوع زين


والبنيه بدت تعدل باللوامس مالتها بس هيه البنيه عدها الگذله مالتها تنزلها منا ووتجيبها منا


هيه ذابحة روحها بالتعديل وهوة شغل هيثم يوسف (اضعف گدامك بس انت... )


هيه تعدل باللوامس وهو كل شوي يعدل بالمرايه (علمود يحسسها انه هو ديباوع عليها) وهيه مغلسه تسوي نفسها متشوف


الامايه صاحت هنـــــــــا يمك الولد اخترع كال ها يمه اي اي اي


هو بيا عالم جان


(حاير شلون يذبله الرقم)


والله نزلوا والولد مذب الرقم .........


همه سدوا الباب وهو لزگها أبطناش قوي (عود صار عصبي )


اي هسه نزلو الامايه وبنتهه هذوله ولد ديمشون بالشارع


عاد همة ديباوعون عليها ويگصون بيها وهية مكيفة عبالها معجبين بالجمال القاتل


والله گولو ديمشون ولان البنيه صابغه وجها صبغ بالفسفوري فالي يفوت من الولد يظل يباوع


هالاشعاع النووي منين


بس هية البنية مشغلة العداد مالتها عود شكم واحد ايباوع عليها


ووية الفسفوري والشعر المكفش وصوت السلاسل والتراجي الي علساس غرگانة بالذهب


وهوة كلة شبه ابو الالف وربع وياه صوت الكعب مال الحذاء الي يجقجق طول ماهية تمشي


بية فاكيد لازم الولد يباوع هالمخلوق الفضائي منين


بس هية شكو واحد يباوع بغض النظر عن السبب اتضيفة للعداد مالتها مال المعجبين


ورى شويه ويشوفون تسجيلات ، ماما خلي اشتري كاسيت حسام الجديد


الامايه :لچ شگد لغيتي ترة نرجع


اهووووووووووو ماما لعد شنو جايين هنا


مشو مسافة وتفوتلك زفه (عرس) البنيه انصدمت


مو اندعمت بسيارة لاع وجهها گام يضرب طلقات العفو گام يضرب الوان


ها شبيچ ؟؟؟ هاي الامايه سألتها ؟؟؟


لا هيج(هيج لو دجاجه) لا ماما ماكو شي


اگلچ ماما شوفي العروس ؟؟؟ متگليلي شاف بيها واخذها دشوفيها


جگمه متگليلي شلون اخذها ؟؟؟ والله گولوا ضلوا يتمشون جان الامايه تشوف واحد يصيح


حاجه بربع حاجه بربع اي حاجه بربع


الامايه : امشي لچ تعالي خلي نشتري من هذا


البنيه تجر بامها (ماما عيب شنو نشتري من هذي العالم شيكول عليه حسام اذا شافني (على


اساس هيه الكبل مالته)


ماما مو تعرفين اني توب( اي توب مال نوم )



گولو رجعوا للبيت والبنيه الحسرة بنفسهه من وره العرس وضلت تفكر بالزفة


ووراها رأساً تروح لصديقاتها النفاخات تهنبل براسهن اني كذا معجبين عينهم مانزلت مني


وبالسوگ صارت تظاهرة شبابية وانواع التصجيمات ومن هالسوالف لتزعلون ترى مو الكل هيجي الاكثرية !!! هههههههه لحد يحاربنة انتوا الخسرانين بنات نيااااااااااا

حمودي حبي شو سكتن وين كتكوتة وين البنات شو ماكو رد لازم تخربطوا من عرفوا حقيقتهم لا يابة اذا ايصير بيكم هيج بطلنا ونتوا الخسرانين حمودي النصر المن غير النة ما عاش الي يحاربنا واني وحمودي بالوجود شد ابو الستوتة شد ههههههههههه بس لتبجون زين

يا الله شكد ميفتهمون
اعيد واسقل هسه لو جايبه اطفال بالروضه جان افتهمون
بابا منستسلم منستسلم
منستسلم

وثانيا انت ليش هلكد متامل واتعيد راح تستسلمون وراح تستسلمون

حمودي اذا احنه حدايق انتو بساتين وحقول ومزارع وقارت

ه ه ه ه ه ه ه ه

صكر البغدادي كتب:

[ندعوك للتسجيل في المنتدى أو التعريف بنفسك لمعاينة هذه الصورة] حمودي حبي شو سكتن وين كتكوتة وين البنات شو ماكو رد لازم تخربطوا من عرفوا حقيقتهم لا يابة اذا ايصير بيكم هيج بطلنا ونتوا الخسرانين حمودي النصر المن غير النة ما عاش الي يحاربنا واني وحمودي بالوجود شد ابو الستوتة شد ههههههههههه [ندعوك للتسجيل في المنتدى أو التعريف بنفسك لمعاينة هذه الصورة] بس لتبجون زين

منووو هذا الي يستسلم عيني لو يبقى اخر يوم بحياتي ما استسلم لا اني ولا قطه ولا باقي البنااات
وطبعا ماكو هيج شي احنه نطلب والي نطلبه يصير مو مثلكم ختيه دائما تنرفض طلباتك
واحنه نطلع ويه اهلنا لانه يخافون علينه مو مثلكم رجعتو مرجعتو عادي [ندعوك للتسجيل في المنتدى أو التعريف بنفسك لمعاينة هذه الصورة]

اي كتكوته صح لسانج حبي