بزنزانه صفنتي وياك صار سنين
ومسكينه المشاعر تنكلب محجر
لم بيه على بختك طشراني الشوك
تقبل شي مني ببابك اطشر

باقي اتآملك وامــالي كلهن بيــك
واذا دربك حلم ما عاد بعد اسهر
وماكلك خلاص وهذا حدي وياك
ثابت كلبي بيك ولونه بعده اخضر

روحي اختارتك وانت شوكت تختار
من قيد السكوت لخاطري اتحرر
حب المن طرف واحد يضوك الويــل
وانا الويــل ضكته بحبي الك يا اسـمر

يا جاري شعجب معقوله ما حسيت
حريق الكلب صار وناره بس تسعر
جار السعد انت واني فاخر بيك
ووصاني الاله بجاري اني افخر

وكال الجار واجب ينحسب له احساب
وخلاني على بيتك حارس وافتر