حنان ع الماشي

خلاص حنيت يا قلبها
ليا ع الماشي
وقلتيها وحسك فيها راح ماشي؟
وكنتي فين
وسكتي تايهه
وأحزاني مارحماشي
وقلتيا وقلبك حسها ف ثانيه؟
وحسيتي بأني كنت جواكي
باموت ميت مره ف الثانية
وحسيتي بأني تهت ف زحمتي عنك
وانا قايد وبابني جنتك منك
يااااااااااااه
يا قسوة قلبك الحاني
دا ياما طويت دواويني
وقصيت الهوى فيا
ودفنت فيكي ألحاني
يا سايباني
ما انتي الروح
هاقولك ايه
كفايه ان انتي شايفاني
وعارفاني
ومش هتلاقي يوم زيي ولا ثانيه
لأن القلب الليب يحبك
مافيش منه قلوب تانيه
فؤاد ما عرفش معنى الهجر
وقام صلى ف أديكي الفجر
فلو صنتيه
كان بيكي الوجود غنى
ووزع مسك واتحنى
وعاش بيكي سنين جنه
لكنه اتباع ومش يائس
وحبه فيكي مش بائس
مجرد اعترافك ليه على الماشي
جعل فيا جراح أنت ما رحماشي
وياه على قلبك الطيب
زرع فيا جراح الموت وراح ماشي