ياول عشك محتار كلبي وياك ويدي اشما تغلبك ترد مغلوبه

محتاجك

محتاجك حلم مرسوم عل نجمات
وخيوط بشذر عل كمر مكتوبه

محتاجك حلم مرسوم عل نجمات
وخيوط بذهب عل كمر مكتوبه

ومحتاجك خلك وسع الارض يفلان
واشرحله الخواطر ليش متعوبه

ومحتاجك جرح يتوسط الدلال
ويحني بنزيفه اجفوف محبوبه

ومحتاجك فرح بكلوب الحديثات
لو كعدن سوه بنيشان مخطوبه

ومحتاجك جدم ماتوسعه الصدمات
ومن تثكل بلوته ايعاند دروبه

ومحتاجك عمر مايمر بيه الموت
مو عمري الكضه وساعات محسوبه

ومحتاجك دمع يبجي عله روحي ويايه
من يصفن دليلي ويذكر ذنوبه

ومحتاجك صبر بس مو صبر ايوب
لان كبلك لبسته وماستر ثوبه

ومحتاجك حضن روحي التلفلف بيك
لو فزت غفل باليل مرعوبه

مهدول الجتف وجدامي مشلولات
والغيره انتهت والناس مجلوبه

واني بوسط سحرك جتفاني الضيم
واسنين العذابك جنهه مطلوبه

ياهو اليفك حزني واني بلياك
دنيه منل قهر وبيوت مكلوبه

ياول عشك محتار كلبي وياك
ويدي اشما تغلبك ترد مغلوبه

علمني الهجر بلكت اصد ونساك
واحلف مااجيك ومنك التوبه

اني لميت البخت من رد اشور بيك
شو ردت عليه الشاره والحوبه

وسودني العشك من رد اكولك روح
شو بالدليل ولعب بيه طوبه

ينقل الى القسم المناسب

[ندعوك للتسجيل في المنتدى أو التعريف بنفسك لمعاينة هذا الرابط]

يسلموووووووو زهراء
على البداع الجميل
وكلمات روعة
تحياتي

ياسلاام يازهوره شعر روعه
تحياتي الج ياورده

تحياتي لكم [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]