دارميات واشعار للعشاق

دارمي للعشاق
*كون الله هسه اليوم ياخذهه روحي ... وانسى اذى المحبوب وتخلص جروحي

*كون الله هسه اليوم ياخذني وياك ... ظلمه يا ضي العين العيشه بلياك

*اتمنى قلبج يوم يوگع بديه ... وأقفل عليه الباب واشبعه اذيه

*گلبي تشبعه بضيم أنا اللي ممنون ... بس لا تجافي الروح لو ولفك تخون

*مو بالقلب بالروح رايد اخليك ** واكتب خطر ممنوع محد يمر بيك

*ملبوس الأسود دوم مو كلش يلوك...من تلبس الأسود يوم جا عزل السوك

*ياما شفت حلوات بس انتي الاحلة ... يالعينج خضار دهوك ومن غير كحلة

*احمر شعر هواي والخصلة سودة ... يمشي بدلع من يفوت واللبس مودة

*اسود لبسلي اليوم وحياني الاشكر ... والشعر نهر النيل والركبة مرمر

*سب واشتم شمتريد يا ولفي اقبل ... ولا تظلم اني اهواك وماريد تزعل

*يا خويا يا كرار ظم دمعك ارتاح ... ولاتشمت انتة عداك وتصفك على الراح

*هاك ابرتك والخيط كوم امشي عني ... لو بية اشل الجروح جا شل هذني

*كلبي ارد اكصة بموس واكوي بمكانة ... علمني اعلى دروب كلهن مهانة

*نيالك تشوف هواك لو حتى بالطيف ... وك شوفة الحلوين صارت مطر صيف

*نيالك تشوفه هواك وبالحلم ساعة ... ما نمت لحظة بليل من يوم وداعة

*شحجي شكل للناس من همي شحجي ... مليان بالحسرات بس احجي ابجي

*كلبي ارد اكصه ابموس وبفاس اكطعة ... خلصها بالسختات مالحك ربعه

*وحقك يداح الباب ما ننسى امنا ... ولاخر نفس والله نفديها بعمرنا

*خوي استر على الحال خوي استراستر ... السكف البنيتةاوياك بس غيمت خر

*كل واحد نخاويه لازم نفحصه ... در ابد ما مغشوش و صافي فصه

*اگعد بنص الليل واذكر وليفي ... وبحجة الحلمان ابچي على كيفي

*حبك يا بعد الروح بگليبي شمعة ... تتحول من تذوب بعيوني دمعة

*برنو عيون هواي والمشط بيهه ... والعده سبع ارواح ما يصد ليهه

*اطلك لي سبع مسلممسلممسلمن شفت العجايب ... تالي أطرحت ياناس ذبيته شايب

*جيت اسئل المحتل وين النفط صار ... جاوبني هالعصفور مثل الهوه طار

*شجره وحدرهه الناس تتفيه وتنام ... خلتني بالعاكول اتفيه الايام

*راح البلد ياصاح ،راحت اغانييه ... حرامي واحد راح ، أجوا حراميه

*ارد انشد العقال واهل العداله ... لو نشف ملح الزاد شنحط بداله؟

*لو نشف ملح الزاد حط ماي العيون ... فانهم ترى يا فلان ماسخ يكولون

*اسمر واخاف عليك من ممشى الغروب ... جاهل وبعده صغير ما يندل دروب

*ليل الشتة يهواي مكدر انامة ... حط بالكلب نيشان هاي العلامة

انهجم بيت العين اشكد وكيحه

كل ما تشوف حليو تكلي صيحه
*
ياماخذين الولف اوليفي وريد أوياه
مانام لليل الشتى أومقدر على فرقاه
*
حط باللبن تيزاب مجبور أشربه
بس لا أشوفك يوم تمشي وي غربه
*
علمني عالنسيان ارد انسى ضيمك
وي غيري قمره اتصير بس حصتي ضيمك
*
عبالي طيب زاد واعطيتك اعيون
تالي توج النار ويا اليكرهون
*
اوقف يبعد الروح اوياك الحساب
تسافر أو جرحي اينوح ليهسى ماطاب
=========================
اهلا وسهلا بيك ، يل جيتك كيف ........وانت بغلات الماي من يحتد الصيف

ج: اهلا وسهلا بيك صارت قديمة ..........افرشلك العينين والكلب خيمة ...؟؟؟

وهذه قصيدة (شعر شعبي) بعنوان: جرح الجلد

لايا طبيب اتوهمت والجرح ماشخصته .؟
من كال انه بحال الدوا؟؟ ضرني الدوى الوصفته
مو هاذه جرحي البجلد ، بيه جرح ما شفتة
رافكني وربينه سوى، لاعافني ولاعفتة
بيه حجي ال ماينحجي.... وبيه بجي ال ماينبجي ....هيه سوالف من زغر متعلمه اعله السكتة ..!!!
موهاذه جرحي البجلد ، بيه جرح ما شفتة !!

لاياطبيبي قصرت وتكلي كاتبلك عمر ، عمريش هو اليشفتة ؟!
ضيم... وخلافات... وقهر...واقرب ضيعته
مو هاذه جرحي البجلد، بيه جرح ماشفته....خليهه سكته بسكته .
عراق اليا وكت لضيف تشعل نار وبهدومك تطب لو جاع خطارك بجيت الوحدك محد بجة وياك لان ما تحتاج دمعة بدون غيرة مسحت ادموعهم من هدة الخير وحفضت اعروش وشيوخ وعشيرة ياهو الما شبع من لبن اربيل وياهو اليوم يعزمنة على خيرة ليش اتفيض خيراتك على الجيران وعيالك مساكين

عاشت ايدج يا سحر العيون شي روعه دمتي بالبداع الدائم

تسلمين يا سحوره على هذه الكلمات الجميله يا جميله
شكرآ
[ندعوك للتسجيل في المنتدى أو التعريف بنفسك لمعاينة هذه الصورة]

شكرا سحر على دارميات الجميلة وكلمات الجميلة
دووووووم الابدع
تحياتي

يسلموووووووووووووووووووووووووو
سحــــــــر الـــــــــعــــــيــــــــــون
*كون الله هسه اليوم ياخذني وياك ... ظلمه يا ضي العين العيشه بلياك
[ندعوك للتسجيل في المنتدى أو التعريف بنفسك لمعاينة هذه الصورة]

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لردكم الجميل وتصفحكم للموضوع

شكرا للابداع المتواصل يا غالين
تحياتي

» ابوذيات واشعار تحشيشية تعالوووووو ادخلوووووو
» دارمي وابو ذيات للعشاق
» دارمي للعشاق