ومضات شعريه اتمنى تعجبكم

<BLOCKQUOTE class="postcontent restore ">

إبحلاتك سيد وينكالك مولاي
ومن كد مادخت كتلك يمولاتي
شفتك غوشت عيني وكمت ماشوف
درت وجهي صفح شافتك اذانانتي ؟

من كد ما حلو محد مشة وياك
وألماشاك هم ما ظل يماشيك
إهو ماشاف دربة إتعثر وطاح
لإن كضاها بس يعاين إعليك !!

أحبك حب ولا مر إعله أنسان
وتدري أشكد أحبك راح أفهمك
إحلمت آنة بالجنة وأنتة بالنار
أكفّر كمت حتة أنتقل يمك ""

مو بس آني أذوب وأخدر إعليك
إمن أحلم بيك حتة فراشي يخدر
منو ألكال ألكمر يفتر على ألكاع
ألكمر شافك وداخ وكام يفتر

قشمروني وجان ظنهم قشمروك
وغلطو أكبر غلط جي ما فكرو
عود باعوني وعلى عنادي أشتروك
وأنتة آنة إذن هم أتقشمرو

على نار أنتظر ومتاني ألأحباب
وإندك باب بيتي وألكلب ذاب
إطلعت للباب عود ألباب أفتحة
لكيت ألباب طالع فاتح ألباب

حلو وتتكلب ويختلف وضعك
وكذلتك طايرة وتلعب على ألريح
ألوحيد أنت حلو ومحد يتبعك
لإن من تمر كلهة تدوخ وتطيح

شحلات أللي تحبه كبل ميروح
بحلات آخر نفس من تكظي ألأنفاس
وحلات ألعيد أول يوم بالعيد
وحلاتك من تجيني أول ألناس

شحلات أللي تحبه كبل ميروح
بحلات آخر نفس من تكظي ألأنفاس
وحلات ألعيد أول يوم بالعيد
وحلاتك من تجيني أول ألناس

إسهامك عذبني كطعني
وأرافس وإضحكت جي ضحك سنك
إشردت منك أحس مرتاح لني
إطلعت بيك آني شارد موش منك

إبوطنة ألضحكة شردت من ألحلوك
وألعيدية دوم إمزاعلة ألأيد
يجينة إلعيد جان ومامش هدوم
هسة هدوم عدنة ومايجي إلعيد

هوة غيرك من أشمنة أموت
لكن أرجع عدل من أشتم هواك
تدري آنة أشكد أحبنك بحيث
من تهد أنت علية أفزع وراك

الحكومه انطت شعبها ارقام ورقام
حتة يخابر ويشرح إهمومة
شعب خارج نطاق التغطية يعيش
إذن شيسوي برقام الحكومة

كل حلو ينباس بس إنت الوحيد
دخنه بيك وعدنة صارت هوسة
خدك يكهرب واليبوسه يطيح
كمنه من إبعيد ناخذ بوسة

جم محب حاول كدر ينسه الحبيب
وآنه من أنساك اظل دايخ عليك
إنت حبك يختلف فد شي غريب
حته نسيانك حلو يذكرني بيك

عذاب البرزخ آنه تعذبت بيك
ولكن بالكلب ظل حبك إيزيد
وإذا كالولي عوفه وجنه ننطيك
أريدن برزخك أي جنه ماريد

عليك الكلب ثابت قفل مقفول
وأموت وما أدور عن بديلك
ماحب الصلاه بس كمت أصلي
أصلي لخاطرك حته أندعيلك

كلبت بوراقي بس إسمك لكيت
وماكو غير اسمك إسم بوراقي
كلها كالت راقي عنك من إجيت
وكلها كالت ماكو غيرك راقي

تحياتي للجميع احبكم
السيد الرئيس القائد حيدر الشرطي [ندعوك للتسجيل في المنتدى أو التعريف بنفسك لمعاينة هذه الصورة]
</BLOCKQUOTE>

عذاب البرزخ آنه تعذبت بيك
ولكن بالكلب ظل حبك إيزيد
وإذا كالولي عوفه وجنه ننطيك
أريدن برزخك أي جنه ماريد

حلو النقل بس مو بمكانه

قابل جديد علشغله شرطي

قشمروني وجان ظنهم قشمروك

وغلطو أكبر غلط جي ما فكرو

عود باعوني وعلى عنادي أشتروك

وأنتة آنة إذن هم أتقشمرو

يسلمو ع الومضات الحلوة

تحياتي

لكيت ألباب طالع فاتح ألباب

[ندعوك للتسجيل في المنتدى أو التعريف بنفسك لمعاينة هذه الصورة]

ماشاء الله

هسة هدوم عدنة ومايجي إلعيد
[ندعوك للتسجيل في المنتدى أو التعريف بنفسك لمعاينة هذه الصورة]
ليش هيج

[ندعوك للتسجيل في المنتدى أو التعريف بنفسك لمعاينة هذه الصورة]
ومضات جميلة تسلم الايادي
شكرا حيدر