عرض مسلسل حب و عرس

تذكير بمساهمة فاتح الموضوع :

حب و عرس

التمثيل و التأليف و الاخراج

حسن المدريدي

حسن المدريدي
بدور بشار صاحب محل حاسبات

مصطفى محمد بدور
حيدر
مهندس كهرباء

بت المدني بدور
مريم
زوجت حيدر

بسمة بدور
داليا
طالبة كلية مرحلة اخيرة

شهرزاد
بدور سعاد ام داليا
ربت بيت

حمودي الاصيل بدور
كرم
صديق بشار

نــــــبدأ

تبيه:يجب الألتزام بلوقت المحدد للعرض وهو مدة اسبوع من بداية عرض المسلسل مع تحيات ادارة المنتدا

صحيح أني وياج غير أتقنعيه الابنج أني حاس بيه ميرغب لا بنات عمه ولا بنات خاله
أني أب و اعرف أبابني و أشوفه يخابر 24 ساعه على شنو يخابر ما يستحي على روحه
هاي بنات عالم عيب هذه تصرف هم اذا أحاجي يكلي يابه أني كبرت و أعرف أتصرف مو مراهق
أني أتوقع أبنج وحده ماخذه عقله و فكره وحنه منعرفهه أنتي أحجي وياه واذا مكلج على الي أبراسه
أتركيني أحجي وياه أشكم مره كتلج يامره هذا أبنه الوحيد و لازم أنحافظ عليه .

حوار مع النفس
-----------------
شوكت اوصل للبيت عاد مو متت من الازدحام ياربي

ــــــــــــــــــــــــــــــــــــــــــــــــــــــ

هلاووو ماما شلونج حبيبتي
هاي شنو الازدحامات والله موتتنا ميصير هيج
انتي شلونج شسويتي اليوم خما تعبانة
ماما اني اصعد ابدل واجي صبيلي غده ع السريع
لان جوعانة كلش ومأكلت شي اليوم

هلاو ماما داليا شلونج اليوم بالدوام اي والله
الله يساعدكم ع الازدحامات وشلعان الكلب
لا حبيبتي متعبت هو بس التنظيف والطبخ تعودنا بعد
يلا دروحي بدلي ملابسج وتعالي تغدي مسويتلج دولمة اعرف بيج تحبيها
بس عندي موضوع لازم احجي وياج بي

حوار مع النفس
-_-_-_-_-_-_-_-
ياستار هذه ماما شعدها وياية بس لترزلني على درجاتي اللي بدت تنزل
لو يجوز هذه صديقتي منى كلتلها على موضوع بشار
بس لا لا مااتوقع متسويها لان وصيتها
اووووف ياربي

ـــــــــــــــــــــــــــــــــــــــــــــــــــ
عاشت ايدج ماما طبعا الدولمة مسويتها تجنن
بس خير شنو الموضوع اللي ردتي تحجين بي
خما اكو شي صاير

اسمعي داليا انتي مو صغيرة علمود اعلمج الغلط من الصح
انتي كبرتي بعد و تعرفين شلون تسويلج مستقبل وتهتمين بنفسج
و اني ما مرتاحة لهاي السالفة التليفون اللي مكابلته من الصبح لليل
ادري متشوفين البنات انتي مو اربع وعشرين ساعه وياهم بالكلية
المهم السالفة هاي دتضوجني كلش دضوجني
و اذا عرفت مسوية شي من وراي يعني راح ازعل منج كلش كوليلي شبيج احسن
حتى لا بعدين توكعين بالغلط ومنكدر نسوي شي واني مربيتج هيج
وتعرفين حتى خواتج قبلج كلهم تزوجوا وراحو لا حب ولا تليفونات ولا شي
فديري بالج واني كتلج بعد

حوار مع النفس
-_-_-_-_-_-_-_-

اووووف ياربي هاي شلون ورطة
زين شنو شلون عرفت شلون حست
اني حاولت مااخليها تحس ياربي شسوي
احسن شي اكللها وهي امي اكيد مراح تسوي شي
لان اني احبه وهو يحبني
اي اي اكللها احسن حل

ـــــــــــــــــــــــــــــــــــــــــــــــــــــــــــــــــــــــــــــ

ماما سمعيني راح اكلج شي بس مااريدج تتعصبين والله يخليج افتهميني
اني احب شخص وهو ولد حباب كلش ومتربي وابن ناس
هو مخلص معهد حاسبات وعنده محل مال نت
مرة اجة للكلية وشافني وانعجب بيه وظل يراقبني
وطبعا ظل فترة كلش جبيرة يلا اني حجى وياية لان يعرف مجنت راح انطي مجال
المهم حبني وحبيته وهو كلش خووش انسان وصدكيني هو نيته صادقة
وماعنده اي شي ويختلف عن بقية الولد ويخاف عليه من كل شي
وهو اللي يكلي هذا غلط وهذا صح ويدير باله عليه اكثر من نفسه
اني كتلج لان اعرف انتي كلبج طيب وراح تفتهميني وصدكيني ماما صدكيني
احنا ممسوين شي غلط ولا حرام مجرد اني احبه وهو
احنا ممسوين شي غلط ولا حرام مجرد اني احبه وهو يحبني
ومتفقين ع الخطوبة بعد التخرج ان شاء الله بس طبعا بعد موافقتج
عرفتي هسة شكوو وشصاير

صـــــــــدك جــــــــذب
هاي شلون وشوكت صارلج شكد انتي هيج اشوف درجاتج كلها نزلت
ولج مو عيب عليج خزيتينا شكول للناس اللي يشوفوج شحجي
اني هيج ربيتج لما تعبت عليج وانكسر ظهري
ورة ممات ابوج تاليتها هيج تجازيني ولج هاي حق صبري وتعبي عليكم
احنا دازيج للكلية تخلصين شهادة وتقرين لو دازيج تحبين
من اليوم اذا خابرتيه او حجيتي وياه
او عرفت او سمعت بعدج متلومين الا نفسج احنا عدنا بنات يحبون
تكطعين علاقتج بي نهائيا ومتحجين وياه افتهمتي لو لا؟
يلا روحي صعدي لغرفتج ومااريدج تطلعين منها وخري من وجهي مااريد اشوفج كدامي
وحسج عينج تخابرين بالموبايل او تحجين ويه احد او تحاولين تتصلين بي

حوار مع النفس
_-_-_-_-_-_-_

هاي ليش هيج صار يالله يبووووو
هاي شلون اني شسووووووويت ليش يعني ماما مافتهمتني
شلون اذا بعدتني نهائي عن بشار يمكن هي حتى مستعدة تبطلني من الكلية حتى لا اشوفه
هسة شلون ياربي شكول لبشار بس لازم اكله اي
اووووووف خلي ارتاح هسة وبعدين احاول اخابرة
ليش هيـــــــــــج ربي ليـــــــــــــــــــــــش؟؟

هااااااااا ولك اشلونك اخبارك شو ماكو لا اتمر لا تسئل
شبيك هم شو متغير هاااااا لو شنو ع اقل كول صديقي
اسئل علية اشوفة شبي ما بي مات عدل حتى ما اتمر علية ليش ولك

هلووو بشااار شلونك ولك اخبارك والله انت
المتغير خابرتك شفته انتظار كلت اكيد ديحجي
ويه حبيبتك بس هواي انتظرتك ادك
وانت ولا خابرت وانت المتغير
والمراكب مالتك اكيد غركانه وعايش الدور
اي عمي حقك الحب مدوخك والله جنت
ضايج عبالي انروح لكهوه او لكازينوو حلوو
واسم لله عليك يويل من الموت والله مشتاقلك
اخبارك اخبار الاهل؟؟؟

شلون أوصفكـ وأنت دوختـ ألصفات هاي صعبه شلونـ تطلب هايه
بس أكلكـ من تعبـ ربكـ عليك شعجب ربكـ ماكتب ألك أيــــــــــه