مامرهن حلم وعيونك مفتحات

ماتن يعني مايفيدنك اعميهن

ماحسيت بيهن ماتن من سنين


هيج عيون عندك وانته ناسيهن


انا جروحي غفن ضل بالي لا ميتات


وأسال كلبي اكله جروحك شبيهن


حقك لو نسيت ايامنا بلحظات


أذا تسنكف أنته تجيب طاريهن


وأنته سهامك بضهري وصحت مرتاح


وأدعي من الله اكله بضهري خليهن

خاف اشتاكلك وادري انته ماموجود

أرسم صورتك واكعد واحاجيهن


واتذكرك واحس بظلوعي تصعد نار


وادور سالفه من الناس تطفيهن

على عيني الشماته عيونها مفتحات


وأنا عيوني صبرن بيش اجازيهن


من امشي بدرب ويلاكن الشمات


يحتاجن بجي واخجل واغطيهن


بديه عنان هاي عيونك الميتات


تريد امسح دمعهن لو ابجيهن

ما أمن بعد مو بيك بالنسمات


أذا مرن علي اطلب جناسيهن


باصابيعك بقايا سنين مكتولات


هاي سنيني كتلك عود داريهن

لو تعرف هذني شكد عليه اعزاز

بكد دمعاتهن جانن امانيهن


يهد جفي بغضب والمستحه يرد بيه


رغم ماردت حتى ايامك اسبيهن


ومن كل كلبي اكلك هسه راح انساك


وهذني عيوني غيرك راح ادليهن