مجموعة ابوذيات رائعه اهداء لكم

نسأل الله ان تنال رضاكم)
-1
انحلت ماجدن بيمناي ويسار
عليك ولاصحالي الوكت ويسار
دليلي اعله النواين جلد ويسار
من اتضعضع شماته تصير اليه(عبد الحسين حميدي)
-2
بسكم هذا الوكت للروح علعال
بشده وننخه باب الفرج علعال كبل جنه نشامه نعيل علعال
شحده بينه اليطكنه نرحم ابيه(دحام جبار)
-3
حبيبي ار انشدك زعل مابين
امس واليوم شخصك علي مابين
تعال وشوف الك طرين مابين
اظلوعي وكل طبيب احتار بيه(عبد الزهره مهوس)
-4
صديجك من تريده موش طربه
وعلى درب الحسج مشوار طربه
لونه صبر حطله جناح طربه
تكدر بيه تحلج للثريه
-5
اخبرك لاهتن دمعي ولاطل
مزن للمابده لينه ولاطل
عسى لاكمل بدنيا ولاطل
عمر كلمن سعى بفركاك اليه
-6
الك ياما دليلي يود وهواي
واطفي بناركلبي عليك وهواي
الف سوده شلهاني اخملت وهواي
جزاني لاسلام ولاتحيه
-7
وحك سوره الم نشرح والأنفال
لساني انعجد من شفته والأنفال
دعيت الباري بالخمسه والأنفال
قسمتي يصير حد يوم المنيه

-8
بجفه الناهي كثر نوحي ويمحاي
بسبب مافادني ردحي ويمحاي
دليلي ملتهي يكتب ويمحاي
خلص ميزان عقلي من الأذيه

-9
بجفه الناهي كثر نوحي وردحاي
بسبب مافاد الي لطمي وردحاي
طرت وي النزل ميت وردحاي
شفت وي الهوى شمات اليه

-10
زين انته الدمع غدران ويسال
ضرب عودي صفار الخيل ويسال
ماتدري زماني سيوف ويسال
علي وانه طريح على الوطيه

-11
لمن ياعين ليليتي وسلتي
راح الجان الي منوه وسلتي
غزوني وفرهدوا عنبي وسلتي
وذبوا جتله الناطور بيه

-12
ذلولك تاه بالبيده وعنباك
انبكت وعيون عذالك وعنباك
انجان انته خذوا سلتك وعنباك
انه المطلوب لناطور ديه

-13
وحك من خالق النيران واراك
المصايب نحلتلي الحيل واراك
وبعد يوم الحشر وحساب واراك
والأعظم سلسله ام سبعين اذيه

-14
ابمصايبنا يبو معيشي علينه
علاج وكل كلب شامت علينه
حساب وسنسله ومحشر علينه
يهون بواسطه حامي الحميه

-15
وحك الله وحك رسله وكتبه
وحك الهوى الكظينه وكتبه
شمريد اكعد المكتوبه وكته
الدمع كبل الحبر يوكع بديه
-16
ثكل جدمي واحس الحيل ينحال
احيلن المن انه الظيم ينحال
تخلبص غزلي كلي شلون ينحال
وطرف للخيط مامش بين اديه

-17
عفى روحي المصايبها لهاحال
نحيله ويخضع الشامت لهاحال
تكول الناس كل محنه لهاحال
خلص عمري ومحنتي ذيج هيه

-18
انه من جور دهري ابد ماوان
اون للشال ضعنه بلليل ماوان
وين اهلج غدوا يادار ماوان
انادي ولاجواب ايرد عليه

-19
ماشفت بزماني راحه لانه
وتطحن رحى روحي راحه لانه
الحبيب يكول باجر راحه لانه
اخذ روحي غفل من بين اديه

-20
تحن الروح دوم الدوم لحباي
وسوط افراكم هاكثر لحباي
اذا ماوصلن الرجلين لحباي
زحيف وشوفهم واجب عليه

-21
عيوني دوم للخلان حيات
اتكلب جن لسيع اتكول حيات
بسبب ماشوف يمي ارواح حيات
جدبه ولاتند الماي هيه
(عبد الواحد الهلالي)

دوري يارحى روحي بهاداي
وجميع اعضاي صارتلي بهاداي
صرت مجبور ادك صبري بهاداي
والهمه بهاي من غصبن عليه

-23
من اعد اعزاز كلبي منك ابده
وابد ماصار غيرك منك ابده
الحمزه انجان كطعوا منك ابده
كطع جبدي هواك وكص اديه

-24
اباري ومثل كلب امه لكه ابراي
تهمني ومن متت يالله لكه ابراي
متت كلت اخلصت رايح لكه ابراي
لكيته وي الجفن ملفوف بيه
-25
وحك اللي يوصي الخلك بالبر
مشجل وازرع الطيبات بالبر
سري ماابوحه ولو بالبر
احتمال البير بي شمات اليه
-26
هله يلشايله الهبري علفراك
جريم وكاصد المورد علفراك
ريت الأسس الفركه علفراك
غريج وماتظل منه بجيه
-27
حجي الناس بسماعي وصره
وعندي من العتب كوشر وصره
اوكله من السمج مغلض وصره
عظم ريس يحط بالزاد اليه
-28
ايوب ابتله مده وانادم
ويعكوب بدمع يبجي وانادم
يحكلي لسكن البيده وانادم
وحش واجنب الذاته رديه
-29
تعلمت النياحه عليك بلغت
الورك يلي جبينك يشع بلغت
روحي لتراق عليك بلغت
تره من تروح عني تروح هيه
-30
المنيه تعالج بروحي واناميت
وعجب عينك غفت عني وناميت
عود الوصل ينفعني وناميت
مريد الوصل من تدنه المنيه

-31
هله يلي من غبيشه مرضعين
يتمايل جنه بالحاجب مرضعين
هله يابعد ياجمه مرضعين
يبعد اللأللدي المانشف ميه
-32
نكش ميره الترف نيمه وياهال
وخديده ريحته عنبر وياهال
توه14عمره وياهال
يهفت حين الزمه ابين اديه
-33
جميل اغيد بحسنه ماتناها
سره والروح سارت ماتناها
سحوب اظلم بجعده ماتناها
شبه عصاه موسى اهتز عليه
-34
مولع من زغر واحتصر واهس
وياخذني على طاري هواي واهس
سمع وني الجبيل وصاح واهس
ونينك عم عليك وعم عليه
-35
يهل تنشد على الي راح ياراح
اركض والدليل انمله ياراح
اهي روحين عند البشر ياراح
على عطسه ومشه الجناز بيه

-36
يكلبي شبيك بس الحزن يملاك
غارج مركبك لو راح يملاك
الفخر مو للذي للمال يملاك
الفخر لليملك النفس الأبيه

-37
اون وادري بونيني ماله تالي
اساجي وعيب يثمر ماله تالي
صحيح الماله اول ماله تالي
يخون بصاحبه الذاته رديه
-38
الح ماظنهم يسمعون للحاي
متت والناس تبدي احسان للحاي
هلي من سار يوم الظعن للحاي
صحت يافرحه الشمات بيه

-39
ترف كلي شتبي من الزيج لشتاك
مكفض مستعز بالصيف لشتاك
وحك من عدل بترتيب لشتاك
احركت لشتي بهواك شلون بيه

-40
صعب صيد السكن من زغر برياف
على الرابي وكظاله وكت برياف
حبيبي من تكون تكون برياف
اصيدك كون كلنه بفرد ريه
-41
سالم طولك وطبعك من الميل
ملاحه وتملي الداهي من الميل
يحسبونه كحل عينك من الميل
خطأ لاكن من الباري عطيه
-42
هبه المعبد ودادك سادنانه
وبعدني الوكت عنكم سادنانه
يمين اقسم هواكم سادنانه
همت ياساعه اشك ثوبي العليه
-43
مره يغيب شخصك مره هانه
ومره اشبع مذله مره هانه
يحادي الضعن خلي مره هانه
لسوي وداع مثل الغاضريه

-44
اطالع غير درسك تظن ولهه
وروحي من جهل تهواك ولهه
اهي بالغرغره وترياك ولهه
امل وتكول هسه يعود اليه[center]

تسلم جريح بغداد ع الابوذيات الروعه
و تحياتي الك يا وردهـ

تم النقل الى القسم المناسب

شكرا اخي شعر روعه ومميز
تحياتي الك ياورده

بجفه الناهي كثر نوحي ويمحاي
بسبب مافادني ردحي ويمحاي
دليلي ملتهي يكتب ويمحاي
خلص ميزان عقلي من الأذيه

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

تــــــــسلم ايــــــــدك جريح بغداد

كلمات جميلة رائعة

تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

يسسسسسلموا عاااااااااشت الايادي الموضووووع رووووووووعه
انشاء الله دوام الابداع والتالق
تحيااااااااااااااااااااااااااااااااااااااااااااااااااااااااااتي

[ندعوك للتسجيل في المنتدى أو التعريف بنفسك لمعاينة هذا الرابط]

ڳل من يڳرهني أمامڳ خمسةأصآبع خير ٲڷآمۈڒ أۇسطهآ

[ندعوك للتسجيل في المنتدى أو التعريف بنفسك لمعاينة هذه الصورة]

شكرا للاختيار الجميل
تحياتي

» اهداء ابوذيات لراديو الحريه
» حكم ومواعظ رائعه
» قصيده رائعه الى كل مجروح