العرض الاول مسلسل((كروبـــــــــــــــــــــــــــــــــــــــــــــــــ))

تذكير بمساهمة فاتح الموضوع :

بسم الله الرحمن الرحيم

تحيه طيبه الى كل اعضاء منتدا اصدقاء راديو الحرية وجلسة سمر

بتجربه حصريه لمنتدنا الجميل
سوف نقوم بعرض لكم مسلسل تجريبي خاص بقسم الدرما
وهوه مسلسل
كـــــــــــــــــروب

هذا المسلسل من تأليف
المبدع زمن علي
اخراج
مصطفى الساهر
بطولة
زمن علي :بدور علاء
و
مصطفى الساهر :بدور احمد
و
حيدر صباح:بدور علي
و
لين الزبيدي: بدور دعاء
و
امارة :بدور سهاد

اتمنى لكل الاعضاء قضاء اجمل وامتع الاوقات معنا

ملاحضة:لا يمكن للأعضاء الرد بهذا الموضوع الرد يكون فقط للممثلين
وتكون الردود للممثلين على شكل مسلسل مسرحي
اي
يستطيع الممثل الرد في اي وقت بشرط لايمكن له الرد ردين متتاليه ويكون رد الممثل من سياق السيناريو
اي لا يمكن للممثل ان يرد بشيئ خارج عن نص المسلسل وفكرة المسلسل

سيتم فتح موضوع خاص لردود الاعضاء وتعليقاتهم على المسلسل

على بركت الله سيتم فتح المسلسل الان
اتمنى الموفقيه والمتعه لجميع الاعضاء
تحياتي للجميع

تبيه:يجب الألتزام بلوقت المحدد للعرض وهو مدة اسبوع من بداية عرض المسلسل مع تحيات ادارة المنتدا

هااااا معقوله علي يبوك من أحمد
مستحيل أصلن علي ماعده ذيج الجرأة وعده عزية نفس ويستحرم
آني أعرفه كلش زين .... أخ أخ والله ولعبت لعبتك يا أحمد حتى يبعد علي عن دعاء
بس آني أعرف أحمد وأعرف سوالفه ..... روح حسبنا الله ونعم الوكيل عليك

هاااااااااي شنو معقولة

علي هيج يسوي ونفسة تدني على شكم فلس مستحيل ومنين من صديقة مو هذا علي الكل يحمدون بي

هاي شصار بلدنية ياربي يومية انصدم بواحد منهم هاي شنو شديصير يوم انصدم بسهاااااد ويوم بااحمد والنوبة علي ..... اي يطلع منة ليش لا

اذا هي اقرب الناس الي وصديقتي خانتني بقة على علي مع الاسف اني احسن شي اسوي مثل مكااااال علاء اعو ف الدراسة والكلية وعوفهم كلهم وروح ازوج حتى اذا صلاح ماحبة وماريدة شنو يعني

دعاء...دعاء
خير شبيج شو اشوفج ضايجه

دعاء شفتي علي الي خان بيه شلون اني اثق بصديق بعد

دعاء اني رايد احجي وياج شي كلش مهم

ممكن اروح للكافتريه
او ال اي مكان هادئ

دعاء صراحتآ اني ما اعرف اشلون ابدي حجي وياج لان كلش خايف من ردت فعلج
اتمنه من ربي ان تكون ردت فعلج ال اريدهه واذا مو الي اريدهه اتمناج
تبقين صديقتي وما اخسر صداقتج

دعاء اني من السنوات الأولى بلدوام واني كلش معجب بيج

كل ما اريد اصارحج اتردد يوم بعد يوم بديت اتعلق بيج لدرجت كل تفكيري صار يمج

دعاء من السنه الثانيه حبيتج وكمت اغار عليج من كلشي حتى من البنات الي يمشون وياج ويضحكون وياج كمت اغار منهم واحسدهم

بديت اتبع خطواتج خطوه خطوه

وكمت اخاف عليج حتى من نفسي

دعاء انتي صرتي حلمي حللللللللللللمي الي اني اتصوره بعيد كلش

تأذيت خفت انجرحت مرات بس بقى حبج بكلبي يكبر اكثر واكثر

الشي الي صار اليوم من علي الي خلاني اجرء وكلج هذا الكلام

لان حسيت نفسي كلشي خسرت

خفت لا اخسر احسن واجمل شي والي عايش حياتي من اجله وهوه انتي دعاء
اي انتي

دعاء اني ما اريدج اتكولين احمد يكذب عليه او تكولين شي بكلبج

الي اريده منج

فكري بهذا الحجي هواي

لان اني بعد ما اتحمل واصبر اكثر من هذا الشي

اتمنه تفكرين بكل تئني ومحد يضغط عليج بهذا التفكير

اني هسه اترخص وانتضر منج رد دعاء اترجاج كوني حنينه وياي

اي احمد ضايجة لان انصدمت بعلي والي سوا
اي يلة امشي بلكافترية

Embarassed

احمد معقولة هذا الحب كل موجود بداخلك وانت تحلم بية وتحبني هيج حب

شنو هذا الكلام الحلو منك احمد بس..... خليني افكر شوية امممممم اوك اني ارجعلك جواب احمد باجر

حوار مع النفس
_____________

اويلي شنو هذا الكلام الحلو منك يااحمد وهالمشاعر شكد تحبني لعد واني مادري لو تعرف اني هم اشكد احبك وانت متدري وشكد جنت منتضرة هاي الحضة الي تعترفلي بيهه

بس الكلام الي كالة علاء على احمد وكال علي منافق زين ليش هيج علاء معقولة متفق وية سهاااااد علية حتى يبعدوني عن احمد لان ماصدك احمد هيج يطلع منة وهو يحبني هذا الحب مستحيل

هذولة يريدون يبعدوني عنة اي هسسسسسسة يلة عرفت شنو قصدة علاء من هذا الحجي لعد اني جنت مصورتة هو اقرب واحد الي ومراح ياذيني طلع هو هم مثل سهااااااد وعلي الحرامي

اني الكم وفوكاهه يكلي علاء عوفي الكلية وزوجي ابن عمج لالالا اني ماسمع كلامهم اني احب احمد وحسوي ويا علاقة غصب عنهم

وبعد ماحجي وياهم ابد ماريدهم لان جانو متفقين علية اي هي مبينه متفقين بسسسسسسسيطة اني الكم

هاي شنو شديسون دعاء وأحمد شو كثرة غياباتهم وانذاراتهم رح ينفصلون من الكلية
كله من ورا طلعاتهم اللي طوخوها كل الطلاب عرفوا بعلاقتهم ...
هسة آني شعليه بــ أحمد .. آني تهمني صديقتي .. صحيح احنا مفترقات عن بعضنا
بس ألله يعلم شكيد احبها واخاف على مصلحتها ..
أي لازم أروح لدعاء وأصالحها وأنقذها من هذا المخادع أحمد ...
ميجوز هيج بس أعاين واتفرج عليها من بعيد
خطية هاي على نيتها ورح توكع بالنار .. لا لا لا خليني بعيده احسن لتروح دعاء تطردني
لأن هسه هي غاركة بحب أحمد ... شلون حيرة شسوي شلون أتصرف ما أدري بعد
خليها على الله

صار يومين غايب عن الكليه

بس أني أنصدمت كان المفروض أدافع عن نفسي العرض الاول مسلسل((كروبـــــــــــــــــــــــــــــــــــــــــــــــــ)) - صفحة 3 361277

العرض الاول مسلسل((كروبـــــــــــــــــــــــــــــــــــــــــــــــــ)) - صفحة 3 361277

وماانهزم من الموقف بسرعه

أستغفر الله ياربــــــــي

أشلون أباوع بوجه سهاد ودعاء وعلاء

يجوز صدكو بيه حرامي لالالالا ممعقوله أكيد يعرفون شنو أني

حوار مع النفس
__________

هذا منو هناك مو علي بس مبين علي كلش ضايج ومقهور خطية

معقولة علي هيج يسوي لالالالالا يجوز احمد هو الي رهمهه علي زين ليش وشنو السبب مو هذا صديقة شو اني بديت احسسسسس

اكو لعبة بلموضوع شو مرة يكلي سهاااااد تحجي عليج وهااااي المرة كال علي باك فلوسي ...... شنو القصة مادري خلي اروح على علي وشوف شنو السالفة

علي علي علي

اوكف ...... اشبيك علي شو دير وجهك عني ليش امممم علي اني ماعرف شلون ابدي وياك بس اريد اعرف منك اني ادري انت مضلوم

وهااااي تهمة لفقوهه عليك لان انت خوش ولد ومؤدب ومستحيل هيج اسوي زين ....... امشي اروح اني وياااااك

ع العميد مال كلية اريد اسئلة بخصوص الشكااااوي الي مقدميهه علية وهناك راح نفتهم كلشي يلة امشي

وبعد ان رحنة العميد الكلية وشفنة البلاوي

هااااا معقولة احمد هيج سوة شفت علي مستحيل

مداكدر اصدك طلع هو متفق وية الاساتذة ويكول سهاااااد الي مقدمة الشكوة لعد شكد ضلمناهه السهاااااد وهي مائلهه اي دخل بلموضوع

هسة بينت الحقيقة شوف علي هسة اني لازم اروح ودور على سهااااااد وعتذر منهه ع السويته بيهه واحمد اني الة الخاين الجذاب الماعندة اي وفة يلة اني لازم اروح اشوف سهااااد وين

اليوم ما اروح للكلية
شو كلبي مقبوض ابقى بلبيت احسلي

هاي شنو تلفوني ديدك

رقم غريب

خلي اجاوب

الو...الو نعم تفضل اني احمد

مركز شرطه ؟ نعم تفضل

ابويه محجوز؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليش شنو السبب؟؟؟؟

انطيني العنوان بسرعه

اوكي عيني هسه جايكم شكرآ

ــــــــــــــــــــــــــــــــــــــــــــ

ياربي شنو هل المصيبه

هاي كلهه من وره اعمالي كلهه

يالله شكيد أرتاح من أشوف أحمد ميجي للكليه
همزين اليوم ماكو احمد ...شكيد فرحانه آني
صدك بس ليش ماأجى .. أي أكيد لو طالع ويه وحده من الطالبات
لو مزعلته دعاء ... ياريت مفترقين يافرحتي لو صدك يفترقون ... والله أروح آني على دعاء وأصالحها
صدك بس قبل شويه شفت دعاء وعلي طبوا لــ رئيس القسم مدري للعميد شعدهم
شنو النوب علي يريد يتوسط لـــ دعاء يمسحلها غياباتها .. خوش موده صايره بين الأحباب
هيهي ..... يموتون نفسهم بالبدايه حتى يسون علاقه ويه وحده .. وبعدين يجرون بنفسهم ... والله خايفه على دعاء
ليكون علي هم يلعب لعبته وطلع ساهي داهي .. وليش لا ... كلشي بهل الدنيا يصير مو غريبه
أوي شعليه بيهم ... خليني اروح للقاعه رح تبدي المحاضرة .....

حوار مع النفس
______________
اني الك احمد شوف شراح يصير بيك..... هااااااي مو سهااااااد اي همزين شفتهه خلي اروح ع السريع عليهه

سهاااااااااد سهااااااد

اوكفي وين رايحة هلو سهاااد اني مشتاقتلج هواية ادري انتي زعلانة علية لان اني الي سويتة بيج مو قليل وانت متستاهلين كل هذا مني

سهاد اني اعتذر منج حبيبتي وصديقة عمري واني اعرف راح اسامحيني لان انت صديقتي وهذا كل بسب احمد المنافق لان هو كلي انتي

الي مقدمة الشكوة علية ومن رحت للعميد اني وعلي وراجع الشكاوي الي مقدميهه ضدي طلع انتي مالج اي دخل بلموضوع والاستاذ الي مقدمهه ضدي

معروف علي ياخذ رشاوي واني هسة عرفت الحقيقة وقدمة شكو ضد احمد ولازم يتعاقب على الي سوا وهسسسة احمد ياخذ جزاءة

سهاااااد اني تعبت من كل هاي السوالف الي دصير ومليت ومنا ابن عمي صلاح اتقدملي ويريدني اترك الدراسة والكلية وزوج واني يمكن راح اقبل بي وعوف كلشي

اي سهاد صحيح وهذا الكلام كله صار بحضوري أني ودعاء جنه يم علعميد

وهسه أتمنى تسامحين دعاء ماشي عيني

حتى نشوف حل لمشكلتي

ليش ساكته احجي سهاد

هيءهيءهيء... دعاء من الفرحة لأن رجعتيلي وتصالحنا
ما اكدر أبطل بجي ... تعالي احضنج وابوسج حبيبتي .. هاي شنو دعاء انت هم صرتي تبجين
أنزول عليج شسويتي شوفي قميصي صار كله مكياج ههههههه دمرتيني أوي أحمر وأسود .. كافي كافي بجي
مو العدسات رح توكع وهمتي الشباب بلون عيونج المزيف يوميه عدسه لون شكل اخضر وازرق ومدري شنو ...
يلا بعد منا وغاد منجيب طاري لاأحمد وعلي ولا حتى علاء المتوهمين بيه عشتو يكولون صاحب كلمه يمعوده وينه جر بروحه
شوفي انصحج نصيحه وهاي المره خليها ترجيه بأذنج و اسمعي كلامي لاتسمعين كلام غيري ...
أولآ ... متعوفين الكليه بقالنا سنه ونتخرج زين ... وشغلة أبن عمج هاي وزواجج منه .. عوفيها مو وكتها
ترى هذا ضعف منج كوني قويه لو تتزوجين على اختيارج ويكون أختيار صحيح .. لو تأجلين موضوع الزواج
بعد التخرج والله كريم .. أكلج شو التهينا بالسوالف وماعزمتج على أكل شرب بمناسبة صلحنا
ده تعالي تعالي نروح للمطعم ونضحك ونتونس يلا حبيبتي
شوفي ضحكتنا صارت سوى ههههههه ههههههه ههههههه

اهئ اهئ .........ها ها ها ها

سهاااااد خليتني اضحك وبجي بنفس الحضة يلة امشي اروح نكعد اني ويااااج ونكمل كلامنة

اه واخيرآ رجعنة سوة شوفي شكد حاولو يفرقونة مكدرو زين سهااااد

يعني انتي تشوفين هيج ماقبل بصلاح

بس اني هالمرة مقررة من ايدج هاي الايدج هاي مثل متكولين اسوي اوك صح هاااااي اخر سنة بلكلية ولازم نشد حيلنة حتى نتخرج واني منا ورايح راح اداوم وابد مانقطع من المحاضرات

وبلنسبة العلي واحمد وعلاء اني بعد مالي شغلة بيهم ولتهي بدراستي احسن شي واني اليوم كلش فرحاااااانة لان اتصالحنة وهسة

كاعدين سوة ودناكل والله ورجعت ايامنة سهااااااد ها ها ها ها

بعد مرور 5 اشهر

احمد لا احد يعرف عليه اي شيئ حتا ولده لم يحتجز وكان الاتصال كاذب ووالده لحد هذهي الوقت يبحث عنهه في كل المراكز والمستشفيات ولم يتم العثور عليهه ابدآ

علاء قام علاء بخطوبة الانسانه التي يحبها من قبل 3 سنين وهيه انسانه خارج عن الكلية وهوه الان في قمة السعاده بلخطوبة

علي الى الان يبحث عن الجرائه لمصارحة دعاء ولاكن لا بليد حيلة

سهاد تركت حبيبها الخاص بها وهوه مجهول عند الجميع وهي الان في قمة السعاده للتحضر الى حفلة التخرج

دعاء تقدم اكثر من مرة ابن عمها لخطوبتها وهو الان ينتضر نهاية العام ويتزوج من دعاء وهيه لا تستطيع الرفض لان ليس لها هناك حلآ اخر

وبهذا يا متابعينا الكرام نتهي من عرض اول مسلسل على منتدا

اصدقاء راديو الحرية وجلسة سمر

تمنياتنا للجميع بلاستمتاع والاستفاده من عرض هذا المسلسل

كان معكم في التأليف

زمن علي

وفي الاخراج

مصطفى الساهر

شكر خاص لأبطال المسلسل

زمن علي

امارة

لين الزبيدي

حيدر صباح

شكر خاص لجميع المتابعين للمسلسل

شكر خاص لكل عضو شارك بردود المسلسل

تحياتي للجميع
ياربي نالت رضاكم

مصطفى الساهر

» مسلسل ندى العمر الحلقه الاخيرة القسم الاول
» حدث في مثل هذا اليوم \الاول من تشرين الاول
» ميلودي تغزو عالم دور العرض بعدد من السينمات الجديدة