اول وطــــــن لعباس جيجان

تذكير بمساهمة فاتح الموضوع :

اول وطـــــــــــــن

[center][ندعوك للتسجيل في المنتدى أو التعريف بنفسك لمعاينة هذه الصورة]

ما انت وحيد انت الشعب كله بشيعته وسنته...منه اللي قالك ناسيك هم ينسى الكًمر وقته!!!
لو نبض القلب يتنكر بدكًَته...بس عشكًَك عشكَ مفضوح وعشكَ الناس كلها مساتر وسكتة
صرت انت سبت وبرقَبة يهودي...هم شايف يهودي يجوز من سبته؟؟؟
انت الفارس اللي يسبق هبوب الريح وماأظن خيل سابقته...وانت الي ليرهم ترابك كحل للعين ودوى للماشفت علته
ومن طينك نحني كفوف المعرسين...وكل اصبع فرح من طينك طكته
وانت اللي ريحة ترابك ترد الروح...هيل وزعفران وعنبر بشمته
ومثل ترابك كًاعك ما لقينه تراب...يرهم للصلاة من طينته تربته
انت ينام بيك المرتضى الكرار...ابو الحسنين التلوذ الناس كلها بشارته وبخته
وانت ينام بيك بكربلاء حسين...الما بايع الطاغي و دنكَ ركَبته
وانت اللي بيك ظلت شارة العباس...لمن طاح دنكًله الفرات وباسه من شفته
من طلعت منك يوم طرن البين قلبي وياي ما جبته...اثاريني نسيته هناك عندك قلبي امنته
شتلته بجرف دجلة الخير ويَ سباح الشواطي شربكت بته...وامتدن عروقه بوسط لج الكَاع وبماي الفرات ودجلة عمدته
ولمن صار ينكل جدمه بين الناس اخذته وياي للكاظم على الشباك زورته
صح هسة اصبحت من وطن نيذرلاند(Netherland)هولندي الهوية وشعري جللته
وصح اتأقلمت وية الغرب فد نوب وصرت ماصخ مثلهم والملح عفته
وصح كَمت ارطن رطنهم لمن يرطنون ولسان العرب بالأعجمي كسرته
لكن ما ادري شنهي يصير بي لمن يمر طاريك احس انك دفو تموز بوسط شتى
اثاريني مثل طبع النخل لو طال يرجع للاصول وتنحني سعفته
العالم نسى يوم 11 من ايلول صارت بيك سالفته
ناس تكول لازم نحتويه ونشفط البترول ونعوض الراح ونسرك بركته
وناس تكول لازم هالحصار يدوم ...وناس تكول لازم ننزع اسلحته
وناس تكول خطية اطفاله ماتو من الجوع...وناس تكول حيل وياه ما حمد ربه وشاكر نعمته
وانت بين هذا وذاك صاير شبح لليرمون وياهو الكام ضدك سدد تفكَته
جيف انك حلو والدول منه تغار ما عدهم العدك من مجد نلته
انت اول وطن آدم وضع جدمه عليه وكال يا الله لنك وصلة من جنته
وانت اول وطن حبه النبي ابراهيم ودعى ربه يصونه برحمته وعزته
وانت اول وطن مرسى لسفينه نوح ونبي ايوب ناخت بيك راحته
وانت اول وطن علم العالم ابجدية ويكتب التاريخ...وانت اول وطن قانون سننته
وانت اول وطن كالتله الشمس يمة صباح الخير ولو رادت تمسي تمسي يم كَبته
وانت اول وطن ما تشبه الاوطان مدري ربي شلون خالقك سبحان ربي شلون صورته
صورت العراق وبس علينة يلوكَ واحنا نلوكلة لمن يحن وكتة

أهداء خاص لأستاذ زمن لان يحب هذه القصيده

[/center]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] وعاش ذوقك

هيه كلساعه هههههههه

منوره زهراء مره أخرى

دائما منورين بكل ما هوة جميل وجديد يا غوالي
تحياتي

» أحدث قصيده لعباس جيجان بحق العباس ع
» أنت العـــين (عباس جيجان)
» قصـــيدة على العراق للشاعـــر المبـــدع .. عباس جيجان ..