العيون العراقية

لعُيـــــون العراقيـــة، الميّهــا زُلال
طعـم العسل واطيب، شَــهدَه حَلال
لوضـحكت أدمّـر، أتفلـــش جبـــال
ويـله ياويـله، من يگــرب الخیــال
لو صوبته بنظـره، ينچتل بالحـــال

بعُيون العراقية ..

چفـــوف العراقيــــة، يـادوا المعــلول
لمســـتها علويــه، أطــيب المشـــــلول
واللي گعـد فيها، أمراضـه كلها أتزول
واللي سكن عشها، ويّاها عمره يطـول
نـور الحيــاة هيَّ، بـدر وگمـر وهــلال

منوره العراقية ..

هنيـــال عاشـــگهـا، هنيـــــاله هنيـــال
يامســعده الحبهـا، والگلبــه الهــا مـال
نعمـة الوفى بالحب، بيها الحمـل مامال
نشــــميه هـل خيّــا، لو ربـت اجيـــــال
صگور وأسود سباع، ابطال ولد ابطال

ولد العراقية ..

بطبــع العراقيـة، معروفـه الخصال
تنصــاغ بس الهـا، تنـگال الأمثــال
باگــت ورد حلــوه، رقـــه وجمـــال
والعقـــــل زينـــــه، والحســـن دلال
عفه وكرامه وشرف، وغيرة رجـال

تحياتي

عاشت ايدك ضيف على الكلمات الجميله بحق العراق
و دوم الابداع و التألق و تحياتي الك يا ورده

جميل جداااااااآ منك هذا ياضيف المتميز
عشت وابدعت .... كتر الف خيرك
خالص تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

ساحات واسعة من الابداع
تطرحها هنا
متالق بكلمتك ببوح قلمك الانيق
دوما الابداع عنوانك
الف تحية لك ضيف

لوحـة فنية من الابداع

وسط العيون العراقية

تحياتي لك

[ندعوك للتسجيل في المنتدى أو التعريف بنفسك لمعاينة هذه الصورة]

شكرا صوفي ع هذا المرورالروعة المو غريب عليك وردة
نورت الموضوع
تحياتي الك

يسلمو امارة هذا من ذوقك يا وردة
نورتي البيج
تحياتي الك

شكرا شذاوي ع مرورج و ردج الروعة يا غالية
نورتي الموضوع
تحياتي الج

يسلمو بحرينية ع مرورك و ردك الحلو
نورتي البيج وردة
تحياتي الج

[ندعوك للتسجيل في المنتدى أو التعريف بنفسك لمعاينة هذه الصورة]
كلمات في غايه الروعه
[ندعوك للتسجيل في المنتدى أو التعريف بنفسك لمعاينة هذه الصورة]
تقبل مروري المتواضع
تحياتي [ندعوك للتسجيل في المنتدى أو التعريف بنفسك لمعاينة هذه الصورة]