عرس في بغداد ادخل واشبع قهر تحياااتي

رضينه الإحتلال بحجة التحرير
وشعلنه شموعنه وبغداد شعلوها

أنهضمنه..ومارضينه الإحتلال يفوت
وفوگ المارضينه السرف مشوها

دعوني البارحة بحفلة عرس بغداد
دموع من الوطن للوطن دفعوها

وطن عّريس وعزوبية أمريكان
وبطايق زفته بالهمر ودوها

وگعدت لوحدي بشارع يصيح الغوث
وجه وبگصته اللچمات طبعوها

وجابوهه وأجت بس اشأجت بغداد
حته عيونهه من اللطم شلعوها

أجت بدلة عرسها البيضه دم و نار

النذال من الصدر للچعب شگوها

وبدل شدة ورد جابت بديهه دموع
ومن من ايدهه من الشعر جروها

ماچنهه بعرس چنهه بحفل تشييع
عالدبابه تمشي الحلوه جابوها

شفقات وخوذ من كل فصيله ولون
تنطيهم زلم وگبور ينطوها

فضوا چم بكاره بساحة التحرير
وقضية ساحة التحرير فضوها

وأجه العريّس محني وعمره ست آلاف
چي تنزف حضاره عيونه شدوها

گعد مكسور خاطر والظهر مكسور
من شاف العلم ساريته كسروها

يعاين عالحفل شو كلهه غربه الناس!
أجت وادم غرب والعرف طشوها

بس بغداد أجته وعرفته من بعيد
حضنهه وحضنته والدنيه بچوها

وحجتله شلون شعلوا بالمخيم نار
من سلبوا خدرهه وصاحوا أخذوها

شلون مسلبه يودونهه لتكساس
بس مو عالهزل عالدرع ودوها

شلون مچتفه وشلون عدهه أيتام
شلون الحسره تطلع من يشتموها

لطم وجهه العراق وصاح ياكرار
وينك ياعلي بغداد باگوها

ونزفت عينه دم ومن بچه شافوه
باصابع من رصاص عيونه طفوها

وخذوه جثه وبقت بغداد بس تصيح
مبارك بس حلقته وياي خلوها

وجابوا حلقه بس مو ذهب من حبال
صعدوا عالمنصه وبيهه شنقوها
صعدوا عالمنصه وبيهه شنقوها

تحياتي الك اسير

مهما مر على بغداد صدكني تبقى عاليه
وتمر ايام واصير احلى واحسن

بس المساءله تحتاج وقت عيناااي
لان الي شافته بغداد مو قليل
وتسلم وربي ميحرمنه من ابداعك معانه

[ندعوك للتسجيل في المنتدى أو التعريف بنفسك لمعاينة هذه الصورة]
أين تتسكع السعادة .!!

يسلموووو ع المرور الجميل
والكلام الروعة

شكررر الك يأسير
مهما حصل انشاء الله بغداد رايتها مرفوعة تظل ودامت لنا بغدادنا رغم المصاعب

مع تحياتي.... بسووم

شكرا لك يا اسير كلام جميل بس انشالله تهون

انشاء الله يا ربي
وشكرا ع الرد الجميل

وجابوا حلقه بس مو ذهب من حبال
صعدوا عالمنصه وبيهه شنقوها عرس في بغداد ادخل واشبع قهر تحياااتي 687252

سلمت يداك على اختيارك الجميل
نصبر نكول تهون وترجع بغداد مثل اول بأذن الله..
تحياتي الك ورد
تقبل مروري البسيط
اوسكااااااارر

شكرا للابداع المتواصل يا غالين
تحياتي

» ادخل ادخل ادخل ادخل ادخل
» ادخل وهني شهد
» لوضايج ادخل