يا حبايــبــــــــــــــــي

************
يا حبايـــبــــــــــــــــــــي

يا حبايبي التعب بيكم ما يضيع
احنه شتله اول عمرها
تخاف من لفحة الشرجي وانتم انسام الربيع
انتم الحصه الردتها وحصتي من الدنيه هاي
بطين اطين عيوني عكبك لاكبالي ولا وراي
شنسه سالفتك بعيده وزهب ايامه العمر
ابكه شاجل ليل ظيمك وارتجي لطيفك يمر
جنت اسد ارموش عيني اعليك واسمرهن سمر
ولون بحر الشماته ايفيض خل بحر الشماته ايفيض
اصف ضلوعي طراده واخلي الجفن بيها اشراع
واسوي المحد امسويه للوياه تعب ما ضاع
هذا انه مخنوك الشوك
والمخنوك من غصبا عليه يرفس
اسوهي وينطوي الساني
من اشوفن على متونك نكلة الهندس
واندهك وبلذيذ الصوت
هلا يا زايح العله
هله يابو الحسن كله
هله يابو الترف والطيب
هله ياعينة السله
يزغيرون
يزغيرون مثل ام الطيور اعليك لاتنباك
وانه ادريبك وكيح وتخلس التفاك
ومن اتفوت مو انه
ابوك ايتيه رايه وساك يضرب ساك
صيخت المفاصل صيخ عيب اكعد
اتاعي للطيور اللو هوت تركد
لجن كلبي غشيم ولا حج الهدهد
شسولف والسوالف فكدت العزه
يهود كلبي وبنص ليل
اهيس شوكها اينغزه
ترف حبها سعر بيه
س......... النار بالجزه
واسمع حجي الناس اهواي
عماد ولا خلص صبره
عماد ولاكضه عمره
لا مو كلمن يعصره الشوك
سلم للزمان امره
مهو وكتي سحك بيه
سحك معدان للخمره
اشلون اغمض اجفون عيني
وحجيك ايطفر الجنازه
انت جلماتك فشك خنزير
وكليبي كزازه
وذيج وادم سمج علوه
منها غاب ومنها تازه
حيرتني بحبك اشمالك ولك
لاتحش ولاتقرض منجلك
لاتحش ولاتقرض منجلك

احبائي ارجو ان تنال رضاكم
وهذا ما جادت به قريحتي لكم
تقبلوا اعتذاري لتقصيري
مع اجمل تحياـــتي
م.حــ

عُبرت أسأل عليكم ماسلــوني

ووصفت الوان حبي ماس لوني

نسيت انه الاحبهم ماســـلوني

أحس ساعات عقلي يخون بيه
تحياتي اليك ياورده شعر روعه
تقبل مروري اخوك
الحنين

يسلمووووو حبي ع الرد الجميل

الف تحيه الك اسير القلوب

حلو ه كلمات القصيده
يسلموووووووووووووووو

[ندعوك للتسجيل في المنتدى أو التعريف بنفسك لمعاينة هذه الصورة]
أين تتسكع السعادة .!!

كلشششششششششش حلوووووووووووة يسلمووووووووووووووووو

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووو ع الرد الجميل
تحياتووو

شكرا للابداع المتواصل يا غالين
تحياتي