اكبر مجموعه من الابوذيات بلمنتدى اهداء للجميع

اكبر مجموعه من الابوذيات

ابوذيات

نفس ونريد شمـك ياهوانا
العمر ذله ابغيابك ياهوانه
أتيه الروح يمــك ياهوأنة ؟
خيالك مرهم ودلاها لية

جمالك زاد عن يوســف وقبله
وحبك صار لي منــــــبر وقبله
أمر أعلى الصخر اني وقبله
لأن قلبك صخر مـــــاحن عليه

جنت صافن ضربت خماس بسداس
ساسك صح بنيته وياك بس داس
صحيح انه العبت وياك بس داس
افر الزار كاز يصير الية

رضيت ابضيم عذالك ويهلـــــــك
وعارك حيل مابيه ويهلـــــــــــك
لبوك ادعي ابمرض قاتل ويهلك
ومك تنعمي وتصير اليـــــــــــه

المن خزرتك يا ترف والصاد
تلفت گلبي بعذاب الهجر والصاد
الف جزوة انصب للوصل والصاد
عذولي و ضاعت الفرصة علية

البخلّ ما وصل يمي .... ما لحاني
وتضل وحده كلمتي .... مآألحّ آني
كريم و هيت امي ..... مالح آني
معّزب دوم يالتنشد عليه

ازرع ورد واحصد شوك واجني
وغرامك بالف لهبه نار وجني
يقاسي الكلب دمعي حرك وجني
ولا مرة عطف كلبك علية

عطر منك يمرنه بسد وردنه
زرعنه الخير بينه وما وردنه
خبر مكتوب منك لو وردنه
اجيك ازحوف وحجيلك عليه

ولا واحد نضرته وماهواني
عليش بتعد ضنك ماهو اني
احس اني من اشوفك ماهو اني
احس روحين ونگسمن سويه

جدمي ما يطب بيوم كصرة
واذا طب الجدم بالطبر كصرة
لسانك طول يبن الناس كصرة
وبطل بعد لا تحجي علية

تعال انظرضنى حالي ولوني
بجفاك وصل غذالي ولوني
طريح اوساد يحبابي ولو ني
اصبر والصبر ما فاد بيه

اجيك ازحوف ماأتعب ولفحط
وبنص الكلب ياوادم ولف حاط
ألف حراس لو خــلو ولفحط
اجيلك واليصير يصير بيه

حبك بالكَلب حافر وناقش
وصرت نيران تحركَني وانا قش
اريد اكَعد وياك احچي واناقش
واكَلك لشوكت تقسي عليه

ابسبب تدري اعله مامش راح مديت
شبابي والخلك والموس مديت
صبر ونخه يداحي الباب مديت
حالي ابمستحه اعله اجفوف اديه

يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه

أنكتل كدامي كلبي..منسكتله
ودم مادام جرحي..منسكتله
طلع عينه كلبي...منسكتله
وعافه براحته يلعب عليه

كلبي شم عطر خدج وراساج
وعلى مرمى العشك حطج وراساج
احلف بالغزل واهله وراساج
معوفنج لمن تدنه المنيه

نفسك دوم حاسبها ولمها
تره امن ايدك مسرتها ولمها
فقير الحرص عالدنيا ولمها
وغني اليقنع ابرزفه لبلا شجيه

عليمن ياجدم سيرت وخطيت
وكثيرة ذنوب منك شلت وخطيت
عمت عيني رميت الحلو وخطيت
على بخت الذخيرة الخان بية

ذبل هرش الگلب يبناي عوده
وانا من احبابي ما حصلت عوده
يرد للدار مـا ظن بعد عوده
ويرد شملي يـمه بيك اليـه

كافي جفة يحبابي بس عاد
ودعي من رب العرش ايامكم بسعاد
عهدآ عليه اذا الغالي بس عاد
احني جفوفي ودوس المنيه

ارد افهم قصوري وياك شجره
ودفنتك بالكلب سباح شجره
غشيم انه وعفت طيري فوك شجره
بغابه وتاهت الشجره عليه

حبي ابدمايوم الك ينكص
وليش الصاحب من يغيب ينكص
وكت خله الحديد بخشب ينكص
وكت خله النذل يلعب عليه

نحبه وماكعد وياه حظنه
وجني من الدفو حسيت حظنه
انه ماريد طمع بس ردت حظنه
بس من احظنه شيفكه من اديه

وحك البلمهد ربه وحاله
الدنيا وياي للهامه وحاله
صديقي الهد علي چلبه وحاله
الچلب رد وصديقي انهد عليه

گضن ايامنه يبن اامي وراحـن
وعليكم رمدن عيوني وراحـــن
شال المحب وگليبي وراه حــن
صفى بس البچي والنوح اليه

اريد أگضي توالي العمر هايوم
على الصاحت بتالي الليل هايوم
ها اموت بسبع تيام هايوم
ها گبل الفجر يسرون بيه..

افز من يجي وليفي وفر بيه
وشبكه ومن فرحتي وفر بيه
اذا بالشته وجو بارد وفربيه
احس تموز حضنه يصير اليه

حبيبي شلونك بهجري وانه بعيد
لجلك البس السود وانه بعيد
كتله حيل احبنك ونب عيد
اكرر والصده يرجع عليه

اضل انطر خيالك وفطر
غيابك للكلب هدم وفطر
صايم كظيت العمر وفطر
اذا شخصك يمر يا روحي بيه

نسيت وتيهت روحي وهم بيك
خويت وضيعت ناسي وهم بيك
وحسافة العمر كضيتة وهم بيك
طلعت جذاب وتلعب علية.....

أحب ابلادي ماحبن بلادين
كافر ولنكر دينه بلادين
انه ماامد ايدي بالغربه بلادين
أخاف الغربه تاخذ حتى اديه

حلو يمشي بخيال البيت شفته
تشبه لمعه الياقوت شفته
مريض أنه او دواي بطرف شفته
ودواه احسن من الدكتور اليه

كتلني الينسل بشعره بلاماي
مثل عود الكبر يزهي بلاماي
مراجيب الهوى سارت بلاماي
كون أشوفك كل صباح أوكل مسيه

تواصلنة صبح سطحي وشكلي
واباوع بالأفق هجرك وشك لي
حبيبي عاين الحالي وشكلي
كبل ماتهجر وتقسي علية

صرت قصه وسوالفهم... روني
المصايب من عكب عينك...روني
يل خدودك عسل صافي .وروني
شفني من كل مرض لجان بيه

أحبابي اشلـون حــالتــكم بعدنا
اشبدينا والوكــت عنـــكم بعدنا
إذا انــــتم نســــيتونا بــــعدنــا
أبذكركم كل صباح وكل مسيه

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية

احبك ما أحب عالارض سواك
سبحان الذي من طــــــــين سواك
بشر لكـــنه ويـــة الگمر ســـاواك
واحد فوق واحد بــــــــــين ايديه

أشلون الروح اكضها من تهم بيك
أو مثل تهمه حبـيــبي منتهم بيك
الضيم اليمر بــــــيا منتة هم بيك
عســـاكم بالفرح والضـــيم بيـــة

هنجل كلبي من شافك ودرباك
وحرت شلون اعلمنــــك ودرباك
كضيتة زحوف شارعكم ودرباك
زلغت الركب وعكوس ادية

عطشان علة جرفك ليش يماي
كل خصلة منكظهة تصيح يماي
بعيد ابعد بعد لا تلفــــــي يماي
اذا تلفي اشك ثوب العلية

أصد وازعل وادير العين طبعان
لچن لچمات إلك بالگلــب طبعان
حلو بكلشي و لكن بيــــــك طبعان
تـشــــك وتــغار حلوة وبيها اذية

بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحگني بالشفا گبــــــــل المنيه

نقل طرف الجذيله وحـــــيل يرها
حچي الغالب على المغلوب يرها
أنا روحي أشعره ومجنون يرها
لون عــــاقـل تــرك منـــها بـقـيه

حبيبي اديارنا لـــــــوجيتوا مرها
أونفسك عالوفـــــا والطيب امرها
عشرتك ضقـــت حلوتها ومــرها
و طلع مــــرها أمــر امن المـــنيه

يحلوة عيوني انتي ونتي رمشي
لتزعليني منــــــج ونه ترة امشي
راح انطيج رقمــــي ونتي رمشي
بس يرمش اتصل مية بالمية

حياتي لاطعم بيهه وريحه
ارتب الكلب بوجودك وريحه
اهجم حيفا وغزه واريحا
وادور إرضاك يالمبعد عليه

احبك واعتذر منك وناسف
جمال بروحك امغربل وناسف
احط بروحي تي ان تي وناسف
وافجر روحي اذا تزعل عليه

كلتلي ألبس مخطط وساده
واهلك من نسل طيب وساده
انا طول اليل افكر على الوساده
افكر بيك يل ماتفكر بيه

حديقه بعلم رب الكون ظليت
وعن درب العلم ياناس ظليت
شجره وبس على العاوين ظليت
صرت سايق مخده وجودليه

يغايب اريد اشوفك وانتشابك
اشبكك انه بيدي وانتشابك
ولك انه امن البعد عقلي تشابك
بس ارجع الكروه عليه

إلك صار الكلب سلوه ويظل لك
ويوله اليبعدك عني ويظلك
اغار عليك من تمشي ويظلك
واغار عليك من روحي عليه

سهام عينج بكلبي حيل شرعا
وسفن حبج بخليج الروح شرعا
وردت مذهب يحلل البوس شرعا
واذا ماكو ارد للجاهلية

عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه؟!

اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه

رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه؟؟

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه

كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه

متى منياي يحبابي .. سنلها
ويوم البالجفه روحي .. سنه لها
دويت ونار فركاكم .. سنلها
وحركت الفزعوا ايطفون بيه

شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه

روحي برشف خدك من عداها
احب وصلك وهابك من عداها
افراكك يوم احمله من عداها
ازورك لو تصير احزاب اليه

ليش الغدر جسمك منتشر بيه
وكلبي لاتكل صافي منته شر بيه
طرف صبعك حبيبي من تشر بيه
كره واحقاد امطاره عليه

شبده مني وتركت بساع ودك
ولو ادري بعذاب الگلب ودك
اعتب عالزمان اللي عَلَيّ وداك
اختارك وكح حتى تخون بيه

اكتبلي شما اردت تكتب واردلك
بساتين بوسط گلبي ورد .لك
اروح وابتعد وازعل واردلك
لأن الگلب بيدك مو بديـــه

گلبي انت ملكته وانت حر بيه
عليل ودواه عندك وانت حر بيه
ويا كاس السم اجرعه وانتحر بيه
ولا غيرك يمس اطراف اديه

زاد بكلبي شوكك...و انتقل بيه
و صعد للراس حبك...و انتقل بيه
شلون احب غيرك..و انت قلبي
و انه بكلبي احبن مو بدية

يلايم لاتعذب الروح خلهه
عساها تموت بعد فراك خلهه
لزم ايدي الطبيب وكله خلهه
الالم بالروح ماهو بديه

طحت لا حيل بيه اكعد..و لاكوم
و لا خوان فزعولي..ولا كوم
لاني بصلح وي وكتي..و لا كوم
اراضيه و يرد يزعل عليه

ترف كلي بهجرك عليّ ..منشار
سحابة و بس عليه امطرت...منشر
اخذ و انطي و صير وياي ..منشار
و مثل ما انشد عليك انشد عليه

عليهه خدود شبه الذهب..و الماس
شفتهه و تيهيت اليوم..و الامس
حاير بين احبن و اشم..و المس
زبد خافن يموع ابين اديه

انه بجمرات وكتي..ماشغلني
و غير حبك انه..ما شغلني
تخبلت بعيونك اني..و ماشي اغني
تسودن صاحت الوادم عليه

الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه

انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه

وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه

عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه

عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.

وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه

احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

حبيبي اليوم مابين ومايه

وبه نشف دö
الكلب ومايه
جبتله نانسي واصاله ومايه
وطلع يدور هيفا وهبي عليه

غرامك حط لي عله و سل سلاني
و اخــــير الناس قلبك سلسلاني
اريد اجوي بسلاسل سلــــسل آني
لا قاتلني و لا هو يعــوف إيديه

لحـد المـــوت منــك واصــل آني
و عفتني والف شامت واصلاني
قطع صرت بجفاك و وصل آنـي
دلمهم خـــــــــــاف تتـــندم عليه

عليــــك اللــــيل كــــله

آنا و آنه
و معاك العتب الحين حان آوانه
اتــــهــدد بالنــــفــاهـــا آنا و آنا
وينك مو طبـــق دهـــري عليه ّ

ابتلت روحي و لا يخلص بلاها
و بمحــــبتك ينتــهي قلبي بلاها
بعـــذابك يا حـــلو ربـــك بلاها
و تضل تنوح كل صبح و مسيه

تغـــيب الروح بغيابك و اردها
و كتاب الشوق يا مدلل وردها
وروحي بفرقـــتك يذبل وردها
ماي انت وترد الـــــروح إليه

صوتي من نداي اعليك...بحاح
و سرك لا تظن للغير...بحاح
اكضي الليل كله احاح ..بحاح
شمطيب جرح غيره يصير بيه

خدودك بيض يحلالي...شذرهن
جروحي خزن كلي..شذرهن
انه من ابوس خدينك ..شذرهن
مضرة ما عليك و نفع ليه

أهل هل وكت بالك تمن بيهم
إدنان وعيب يحصل تمن بيهم
ثلاث من الخصايل تمن بيهم
الچذب و الفتنة والشوفة الردية

حسّي مره بجروحي..و شعري
و شيب كلبي من عندج...و شعري
ما هزج دمع عيني ..و شعري
من اموتن عودن تشعرين بيه؟

افز بالليل و جروحي..تلمني
عليك وشباها الوادم...تلمني
انه الطشني الوكت منك...تلمني
رموني بعاصفة شرجي قوية

لبّسني عتيج الغرب..والرث
مثعول و الدليل بنار..ورث
ابوي الطيب الي و الشرف..ورث
و صارن ثوب لاك و لام اليه

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

اريداخبط مزيج الرمل والحر
وادور عل الصديج الوفي والحر
نخيت الله وابوالحسنين والحر
يحفظ كل اخو يذكر اخيه

شنهوا اللي على المخلوك داره
وشنهوا العاف بزره وسكن داره
وشنهوا المايعيش بغــير داره
وشنهوا الما ينـــام إلا بتحية

الكمر يلي على المـخلوك داره
الزرافه العاف بزره وسكن داره
السمج الما يعيش بغــير داره
الفيل الما ينــــام إلا بتحيه

الدنيا خلافك وحشه ومره
ولا منك بعد جيه ومره
صورك مره اضمهه ومره
اشوفنها توج نيران بيه

نثرت دموعي للاسمر والاكحل
وصبغ وجناتي عخدودي ولك حل
صدكني سهل انت ولك حل
احلك لو ترد انت علية

المن اشكي هموم الدهر واشراح
وما ادري شبقه من العمر واشراح
الناس فخاذ تاكل لحم واشراح
وانا العضمات ما تحصل بديه

حبيبي يلغبت عني ولنساك
وحطك بلكلب يمي ولنساك
وحبك ياظوى عيوني ولنساك
وذكرك كل صبح او مسيه

ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه

يمن حبك دخـــل كلبي وحل بيه
ودهري علي شد حبلة وحل بيه
انه شماريد اطعم المر وحل بيه
يرد من كل كتر مره عليــــــــه

باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية

وحك البيت واليمه والعضام
احبك وبكثر حبي ولعضام
يفزجلدي من شوفتك ولعضام
ارعش من تحط ايدك بديه

عليها اسكب دمع عيني واهلها.
واشم ترابها الطيب واهلها.
سلام الله على بغداد واهلها....
اهلها كرام ما بيهم رديــــــه

سكر كاس الخمر من ضاگ نفسك
اكو غيرك حلو بس ماكو نفسك
اريدك يا حبيبي اتبوس نفسك
بس بداخلك تنويهه اليه

غرامك بالعشگ اثر ودارة
هجرت الي تعب وياك ودارة
سمعت بقيس عاف اهلة ودارة
حملت الضيم وهمومك سوية

اسمك دوم بلساني ورد بيه
وعلى دربك گمت رايح ورد بيه
كل ضني الصخر يطلع ورد بيه
اشمه ويخف كل الالم عليه

احذر ياگلب تسمع وعدهن
شكثر دگات احسبهن وعدهن
يضل الفكر هاجرني وعدهن
بعگل مجنون مدري شصار بيه

علي شلكم يهل عذال ينصاب
تعذلوني ودمع هالعين ينصاب
يطيب الي بضربة رمح ينصاب
لچن جرح اللسان البيه اذيه

شعجب دفتر عشكنه ماتكلبه
وليش انت اليكلبك ماتكلبه
تره كلبي بغيابك مات كلبه
كلب كلبي توفه وعم عليه

يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه

سرح شعرك تهدل صوبي ونساب
وطفح دمعي على الوجنات ونساب
اسئلك كلي ياهو وياك انسب
وتجازي افعالي الطيبة ابردية

احذر ياگلب تسمع وعدهن
شكثر دگات احسبهن وعدهن
يضل الفكر هاجرني وعدهن
بعگل مجنون مدري شصار بيه

عيونكتصيب الگلب بسهام
يلي ابد ماشفت بهواك بسهام
انا طير المهاجر بالفضاءبسهام
اشوفك وانا تايه بالبريه

احذر ياگلب تسمع وعدهن
شكثر دگات احسبهن وعدهن
يضل الفكر هاجرني وعدهن
بعگل مجنون مدري شصار بيه

يالسهمك لحد حشاي مارد
أظل وياك لأخر نفس مارد
چم مرسال الك رديت ومارد
وظرف منك فلا وديت اليه

اريد اجمع اتعاب الصيف لشتة
وخلها تگول عني اشتعل لشتة
نشوف فلان من العقل لشتة
وشتاي بهالزمان ارحم اليه

لاتعتب تعيد الفات ومضة
اخذ مني سند ديوان ومضة
اذا منك اشوف النوب ومضة
اجيبلك ضوة نجوم الثرية
**********************

يهل الناديت بسمي هواي عيده
ويه هل ماخذ دليلي وياك عيده
الگلب مو بس عد رمضانعيده
اني عندي العيد من نگعد سويه

تگلي بعد ما اريدك ولا ابيك
هاياطباع مو منك ولا بيك
ابد ما الوم والدتك ولا ابيك
الوم الوكت الرهاكعليه

قسيت وياك يسمر عمي انا
وعين الي الماتشوفك عمي انا
اذا خالكفزعلك عمي انا
تبرة وضحك والوادم علية

اجزعت من الصبر روحيوملت
اهموم احصدت بالدنيا وملت
بنيران الفضا اتچوت وملت
الجزع صاحت منالهم والاذيه

بهيمه ياظعن شوگي وناخوك
ونادوك اعلى كل محنهوناخوك
عضيدك آنه بالشده وناخوك
واصير احزام ظهركعالدنيه

الگلب لا مظهر ولا مال غربه
ولو عمري بحماده انشتلغربه
ما احمل بگاع اجناب غربه
احن واشتاگ لهلي بكل مسيه

سهرتالليل بودادك وحييت
وگلت مرحبه بطارشكم وحييت
يمطرب طفت بالكعبه وحييت
اذاجايب حبيبي اوياك اليه

بروح الهوى عيب ابگه ولا خل
انازعوالعگل صاحي ولا خل
ابگوتك ما الي صاحب ولا خل
سواك وحرمت وصلكعليه

علام الدهر شتتن وطرنا
عگب ذاك الطرب بالهم وطرنا
الفياحيف مگضيته وطرنا
ليالي اللي مضت متعود ليه

هي- هجرك ياولف صاير بلا حد
مثل سيف اليكص ركبة بلا حد
وگلتلي انتظري ارجعلچ بلأحد
اجه الاحد ويمته تعود اليه

هو- احد سچين صبري وچنولاحد
التفتت وماشفت ربعي ولاحد
وچم سبت اليمر بيه والاحد
اجي بس شوفتچتصعب عليه

هي- لتهم بالعمر خلصان وحده
وانا ضعني سرى بالهوىوحده
حلت چنها بعيونك غير وحده
گمت ماتسأل ولاتمر بيه

هو- غيرجماحلى بعيني ولاطاب
ولادونج دخل قلبي ولاطاب
ياجرحي وياج لاهود ولاطاب
دمينزف ولاتدرين بيه

هي- محبتك تجري وي روحي ويدماي
وعليك انشلت عظاميويدماي
انچويت بيد انا ناري وبيد ماي
ولكن من يطابگهن سويه

هو- عليچ الروح راحت من يردها
وكيحة همومي صارت من يردها
خطية الروح ملت منيردها
لأن بس الصبر يسأل عليه.

حبيبي بالهوى انت اصلي ونصلاك
وواجب نعتني نشوفك ونصلاك
يمالك مهجتي نص الي ونصلاك
ولك ثلثين عكلي وثلث الية

حـبـك بـالـگـلـب مـكتـوب مـا طاش
و تـگـلـي شـبـابـي عليـك مـا طـاش
صرت بيدك مسلسل طاش ما طاش
تــبـچـيـنـي وتـضـحـكــنـي سـويــة

تگلي بعد ما ريدك ولا ابيك
هاي اطباع مو منك ولا بيك
انا ما لوم والدتـك ولا ابــيك
الوم الوكـت هالجابـك عليـة
اريد ارحل من الدنية ولا عود
ربابة ما تسليني ولا عود
قيثارة باتت بصدري ولا عود
باكيت الميامي حسره عليه

عفاني اشكثر ضيم احمل وقاسي
وجثير مقصر وياكم وقاسي
لون احسب حنيني الكم وقاسي
ابد مامش بشر يحصيه اليه

لساني من عگب فرگاك مارد
يسألوني العواذل ليش مارد
حبيبك راح عنك وين مارد
وهم يحجون وانه شلون بيه

اريد افرمت قلبي والغي رامـــــــــــــــه
واشيل العشك منه والغي رامـــــــــــه
عليك انت المخطط والغرامـــــــــــــــــه
لان حسنك كسر غفله عليه

عتب وكتاب الك دزيت ...وصلك
بنزاع الموت وانه انتضر...وصلك
اسب امك وابوك وهلك ...وصلك
بسبب چي حرمو شوفك عليه

حذاري لاتبيع الغير سرك
ولاتتبع حچي الجذاب سرك
رفيجك لو اجاك ويوم سرك
على سره تحافظ للمنيه

الشوگ وياك صدفه قابلاني
شيجي منك عليه قابل اني
تقشمرني بضحكتك قابل اني ؟
غشيم اوتعبر الضحكه عليه

أختلفنه بأولياء الله وضـعنــه
واحنـه السـاس للدينا وضعنه
وربــك مـا نغيـر مــن وضعـنه
شـرط إلا تحط إيـــدك بــــديه

رسالة وياك للمحبوب ودهاك
معاشي صار بس باربيل ودهاك
الواشي منين جابه الدهر ودهاك
افركنه وكل محب صار بنويه

حبيبي لابس المحبس وساعة
وقميصة ياخلك ما بي وساعة
ساعة ينام المدلل وساعة
يفز مرعوب ريته بين اديه

عجب وجهك حبيبي ولعوني
علي فرعون صاير وله عوني
سكوني لبن حبهم ولعوني
افطموني وبالوصل شحو عليه

احط لكليبي اجناحات ويروح
الك يحمل رسايل عتب ويروح
صفن وسط الجسد روحين وي روح
تعيش العمر يا مدلل سوية..

نبينه وصل للقدرة وردها
وعلينه للشمس اشر وردها
حسن وحسين للدنيا وردها
وتسع انجوم اضوت عالوطيه

احبك حب ما ينكتب وصفه
وعليك القلب مثل الذهب واصفه
عليمن يكتب الدكتور وصفه
خدودك والشفايف صيدليه

مفارك والليالي سنين مرن
علي صاير لذيذ الزاد مرن
طفر قلبي على النقال من رن
لأن حسيت روحي تدك عليه

ليش انته على الحبوك تنحال
وظلوعي ابيوم شال الظعن تنحال
إلك عقده ابدليلي عيب تنحال
لما يطلع جديد الشيب بيه

يصاحب لا تموتني تربلاك
عيني شابحه الدربك تر بلاك
كلبك لاتظن وايت تربلاك
لانك بلوصل وشح عليه

يل كلبك مثـل الصخرقاسي ولاحن
اسهام كلبك وصلن الكلبي ولاحن
ابحبك صرت شاعر ومطرب ولاحن
يمته يحن اكليبك عليه

نحيل الجسم بودادك وداراك
عجيبه الغيرك عني وداراك
أحلف ما أصل بابك وداراك
ولاقولن جنت صاحب إليه

حبيبي أومهجتي أودنياي ونته
ترى المالوم صعب اهواي ونته
يصاحب تاه مني القلب ونته
بس لو صادفك تلقاه إليه

حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه

حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه

قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه

حبك من شفـــــاف القلب عتباي
ولانوبه أذكرتنا واوصلت عتباي
أعتب مانفـــــــــــع وياك عتباي
على ياهي أزعـلت واقطعت بيه

انشدك من لهيب النار شكوه
اعطشت ومن السراب امليت شكوه
اشتكي عندك عليك بالف شكوه
ولا كلبك سمعها وحن عليه

مهموم الكَلب بي جرح بي داي
واتيهن لو مشيت باثـــر بيداي
من اوصل البابك وادكَ بيداي
احس الباب هوه ايدكَ عليه

يدهري الكَــــــلب ايس مره مني
وكَصني إسهام هجرك من رمني
أكَول السبــــــــــب منك مره مني
وحرت ياهو سبب هالصار بيه

سجاجينك بنص حشاي / لاحن
وعزف عود بدليلي الـــــك / لاحن
شنو گلبك صخـر .؟ لا سئل / لاحن
وانه كلبي نترس ضيم واذيـــه

عليك الحال ما ظل حال بعدك
وعليك الدمع خالص نزف بعدك
اجاني الموت وانت بهجر بعدك
تحب الموت اظن انت اليـــــه

احبك واموت لو تحب غيري
تراويني الهضم وتكلي لا تغيري
ومن اعتب واكولن تكلي غيري
تروح تروح وهم ترجع اليه

يونس گال عن خوفه هدفنة
ونصول بزود ونگوّل هدفنه
اسعاد الشعب هوة اكبر هدفنه
نفرحة وثم نفرحلة سوية

ابد ماهام برد الجو وحرة
واسود المنتخب حلوة وحرة
يونس من ضرب ضربة وحرة
صاروخ انفجر بالمرمى هية

النهائي اشكد سهل بيكم وصولة
يل فن اللعب عدكم وصوله
اذا صحت بعد فرصة وصولة
يصير الكاس النة اجمل هدية

مرارتنة يصاحب ليش ...... مرهةمنكم
وانة المعلول وابحــث ....... مرهم الكم
تدري انت ليش انــة ....... مرهم الكم
انة ارهم لبو الاطباع الوفية

وجك عينك وحك جفنك ورمشاك
اظل طول العمر امشي ورة مشاك
عندي بالكلب منك ورم شاك
اطيبن من تحط ايدك عليه

الاحبة روحي بروحة .......... مذابة
زعل وياي لـــو ادري .......... مذابه
ذبني بلا سبب وانة .......... مذابه
هجرني وصاح حبك بس اذية

عليكم من سلام الله .......... ورحمة
وحن عالكلب مــــــرة .......... ورحمة
اذا رايد اجر انــــــــــت ......... ورحمة
تعال انطيني بوسة وحن علية

بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية

صب دمعي على الوجنات ياهل
أوماتدرون بيا اشصـــــار ياهل
صرت عصفور چني بايـد ياهل
أهـو يــلعب وانــا اشــــنون بيه

ازيدك بالجمع وتصير ناقص
... يفيض عليك نهري ونته ناقص
...مثلك بلبشر ماشفت ناقص ...
نذل بذات وطباعك رديه

لويت الدهر مافد يـــوم حنيت
وادية من دموع العــــين حنيت
ييمه اوداعتچ هالـــــيوم حنيت
أوشلت نار الدمع بچفوف أديه

أنا ابميزان الهوى عاني كفاني
أوحي لاتحسب العاشگ كفاني
أناتبت گلت الذي بـــــية كفاني
أنا شجاني اوعاودة سوده عليه

اتمنا ان تنال اعجابكم ..........

LinkBack
[ندعوك للتسجيل في المنتدى أو التعريف بنفسك لمعاينة هذه الصورة] LinkBack URL
About LinkBacks

موضوع: رد الأحد أغسطس 15, 2010 6:17 pm

الف تحيه ذكرى ويسلمو
على الابوذيات الروعه

[ندعوك للتسجيل في المنتدى أو التعريف بنفسك لمعاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

يسلمو على الابوذيات الجميلة

شكرا ذكرى ع الابوذيات والكلمات الروعه
عاشـــــــت الايادي

الف تحيه الك
وسام الغريب
سلمى الغاليه
منورين ربي ليحرمني من مروركم

احبك واموت لو تحب غيري
تراويني الهضم وتكلي لا تغيري
ومن اعتب واكولن تكلي غيري
تروح تروح وهم ترجع اليه

شكرا ذكرى ع الابوذيات الرائعه يسلموو

اشكر مرورك يا غالي

تحياتي الك يا ورد

يسلمووووو ذكرى

رضيت ابضيم عذالك ويهلـــــــك
وعارك حيل مابيه ويهلـــــــــــك
لبوك ادعي ابمرض قاتل ويهلك
ومك تنعمي وتصير اليـــــــــــه

بصرااحه هذا عجبني .. ههههههه
عاشت ايدج حبي ذكرى
ابوذيات روعه مثل صاحبتهن

تحياتي الج

ابذيات راقيه ومختاره باتقان وذق رفيع

سلمتي للمنتدى وردايه
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
أين تتسكع السعادة .!!

شكرا عيني
فرحني
مروركم
فرحت لان عجبتكم
تحياتي

المن خزرتك يا ترف والصاد
تلفت گلبي بعذاب الهجر والصاد
الف جزوة انصب للوصل والصاد
عذولي و ضاعت الفرصة علية

شكرا وردة

عفوا
منور

سلمت اناملك الذهبيه على ماخطته لنا
اعذب التحايا لك

لويت الدهر مافد يـــوم حنيت
وادية من دموع العــــين حنيت
ييمه اوداعتچ هالـــــيوم حنيتأوشلت نار الدمع بچفوف أديه

عاشت الايادي كلمات روعه خيتو ذكرى الوردة

منور عبودي الورد

ذكرى ردت اطلعلك من الحاسبه الا شويه وانتي تعرفين ليش
وين لكيتيه تغبت واني اقره ومع هذا تسلمين حبي [ندعوك للتسجيل في المنتدى أو التعريف بنفسك لمعاينة هذه الصورة]

اشكر مرورج ملوكتي الغاليه

ترف خدك يلالي بروح وجناك
وعمر بيت الذي رباك وجناك
لون عندي سعر لشريك واجنيك
ذخر للبيت تطرد كل اذية

هذا اهداء مني الى حظراتكم يا غالين
منورة بكل ما هوة جميل وجديد
تقبلي تحياتي

بقمه الررررروعه

يسلموووووووو على الموضوع

» مجموعه من الابوذيات والدارميات
» احلة الابوذيات اهداء الى جلسسسسسسسسسة سمر وكل الاعضاء والمشرفيييييين
» اكبر مجموعه من العاب 2010 للجيل الخامس اكتر من 100 لعبه متنوعه