تكَلي اصبر.....

موضوع: تكَلي اصبر..... الأحد أغسطس 15, 2010 4:30 pm

تذكير بمساهمة فاتح الموضوع :

((تكَلي اصبر))

ويكَلي اصبر!!
وتصيح الناس
كلها اصبر!!
بعد شصبر؟؟
ماظل حيل حتى اصبر!
خلص عمري
صواني شموع بس انذر!
ولاهزك بجاها العين
بخدودي الدمع اثر؟
ولاساعة الكَلت عيناك
وتخلي الكَلب ينسر؟
ولامرة تجي ملهوف
وتكَلي حبيبي آآمر؟
ناسيني ولاعالبال
جلمة وضاعت أبدفتر!
وتكَلي اصبر؟؟
شلون اصبر؟؟
يبن الناس هاك انظر!
امشي بنومي نص الليل
يم بابك وأظل انطر!
وإذا تكَول الصبر ينباع
جا هلبت عليّ بعته؟
ولو كَتلي الصبر ينباَك؟
وحَك عيناك جا بكَتة!
شيفيد الصبر للطير
والشبجة على جناحه؟
صبرت وياك صبر أيوب
وتكَلي الصبر راحة!!
وتريد اصبر؟؟
يشاتلني بظهاري الكَيض
يالغيمك فلا يمطر!
انهّ العطشان كَلبي أعليك
وبجفك سكَيتة المر!
انهّ الفاضحني دمع العين
حرت شلون بي استر!
موطال الصبر جمدوب؟
هاك اجفوفي بيها أشبر!
بعد شصبر؟؟
وانهّ الكَضيت عمري وياك
بس اصبر!!
**********

تحياتي الى اختيارك الجميل للشاعر نائل مظفر دومك مبدعة بكل ما هوة جميل وجديد
شكرا لحظرتك تقبلي مروري

مرورك هوه الاروع والاجمل
تحياتي الك مرتضى
شكرا جزيلا

يسلموووووووووووو ذكرىياورده موضوعج كلش حلوو وجميل

حبي ذكرى كلام جوهره ورائع
صبرت على الصبر والصبر مل مني

جنون ليس له حدود
وعشقا فاق القيود
وصخب الكلمات
كل اولئك يجعل حرفي امامك ينثني
فما سطرته كان نهاية البدايات
ونحن نعلم ان البداية تكون بسيطه متواضعه ولا اجد ذاك هنا بل اجد رونق وبهاء
فيما سطرته حبيبتي ذكرى
فدمتي ودام ذاك العطاء

والله رووووووووووووووووعه

تحياتي دانياااااااااااااااااااال

» سئمت العيش وانا اصبر
» اصبر الروح بيش ؟؟؟
» اصبر الحد وين ؟ قصيدة